BBC navigation

شبرغانده ایشله ب چیقاریله یاتگن گاز لر نیمه بوله دی؟

Сўнгги янгиланиш 27 октябр 2012 - 09:53 GMT

افغانستان کانلر وزیرلیگی مملکتده گی طبیعی گاز ذخیره سی 450 بلیون مترمکعب تخمین ایتیلگنی نی ایتگن.

بو مقدار گاز ایرانده ذخیره ایتیلگن گازنینگ یریمی نی تشکیل بیره دی. شونده ی بیر حالده هم افغانستان گازگه بولگن احتیاج لرینی خارج اولکه لردن تامین لیدی.

بیر پیت لر افغانستان شبرغان گاز لوله لری طفیلی ییریک درامد قولگه کیریتریدی.

اما گاز ایشله ب چیقه روچی جرقدوق انباری آلدینکی دیک رونقی قالمه گن.

بو منطقه 30 ییل ایلگری مملکت نینگ استراتژیک منطقه لردن حسابلنریدی. هر ییلی بیر ملیارد متر مکعب گاز سابق شورا دولتی گه یوباریلیب، مقابلیده، پول، آذوق آوقت و قورال یراق افغانلرگه بیریلریدی.

حاضر چه لیک، افغانستان ییلیده 250 مینگ تٌن گاز مصرف قیله دی. بو احتیاج نینگ کوپراغی ترکمنستان و ایراندن ساتیب آلینه دی. اما بو ایش هم راحت لیک بیلن هم بجریلمه یدی.

افغانستان نفت و گاز تصدی سی رییسی فرید شیرزوی بو توغریده بونده ی ایضاحله یدی:

" سیاسی مسئله لر هر دایم گاز نینگ وارد قیلگونچه تاثیر قویگن. اولکه گه آلیب کیلینه یاتگن گاز یخشی نظارت ایتلمه یدی. بیلتیر بیر کیلو گاز 45 افغانی دن 120 افغانی گه چیقدی."

مملکت سیاسی وضعیتی یمان بولیشی بیلن سابق شورا گه گاز یوباریلیشی هم کسیلیب قالدی. شوباعث هم جرقدوق اهمیتی کون ساین کمییب کیتدی. ایندی لیکده، افغانستان دولتی ممکت ده گی گاز قدوق لرینی قازیب چیقاریش اوچون جدی اعتبار بیرماقده.

کانلر وزیرلیگی نینگ باش مصحلت چیسی:

"گاز نینگ اولکه ایچکریسیده تصفیه لش اوچون بیر قنچه اسباب اسکونه لرنی قورماقچی میز. بو کته بیر پروژه بوله دی. توزه لیشی بیلن هندوستانگه هم یوباریلیشی ممکن."

افغانستان ده بیرینچی مرته گاز ایشله ب چیقاریش ایشی، 1358 نچی قویاش ییلده باشلندی. ایندی مذکور ییر ده 800 یوز کیشی ایشله یدی.

جرقدوق ده گی گاز لوله خط لری، شبرغان گه قدر ییتیشتیریله دی. بو خط مجاهد لر افغانستانده حاکمیت قیله یاتگن پیتده توزه تیلگن. مذکور خط نینگ بیر یولی خواجه دوکوه گه کیتگن باشقه سی هم شبرغان شهری و جوزجان نینگ آقچه تومنیگه قدر هم بارگن. عین زمانده خود شو منطقه دن ایشله ب چیقاریله یاتگن گازنینگ کوپ قسمی، مزار شریفده گی کود برق فابریکه سیده صرفلنه دی.

شبرغان نینگ شهریده یشه یاتگن اهالی، اوی لریگه گاز کیله دی. شهرنینگ یشاوچیلریدن احمدالله گه کوره، او هر آی گازدن فایده لنیشی اوچون ایککی یوز افغانی توله یدی. اما باشقه اهالی ایسه مذکور رقم دن اون برابر کوپ گاز اوچون صرفله یدیلر.

حاضر هم تورت یوزمینگ کیشی لیک شبرغان شهری نینگ یشاوچی لری مذکور ولایتده ایشله ب چیقاریله یاتگن گاز دن محروم. بو یشاوچیلر گاز نینگ بازار دن ساتیب آله دیلر.

شبرغانده گاز نینگ ترقه تیلیشی هم ایسکی بیر سیستم بیلن عملگه آشیریلیب قنچه لیک گاز مصرف بولیشیده هم هیچ قنده ی کنترول یوق.

اگرده گاز صنعتی ایشله ب چیقاریلیشی کینگه یسه، نه یالغیز افغانستان یشاوچیلری حیاتی اوزگره دی بلکی افغانستان اوزی منطقه نینگ گاز صادر قیلوچی مهم مملکت لریدن حسابلنیشی ممکن.

امریکا زمین شناسلیک اداره سی، مذکور ذخیرگاه لر میزانی نینگ 16 تریلیون متر مکعب تخمین ایتگن. اما دولت گه کوره، واقعی صورتده بو تخمین دن کوره گاز انباری کوپ بولیشی هم ممکن.

افغانستان نینگ ییریده گازی بار:

- جوزجان ولایتی نینگ گاز حوزه سی

- افغان تاجیک نفت حوزه سی

- هلمند نفت حوزه سی

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.