BBC navigation

حمید رحیمی اوز رقیبی سعید امبلوا گه غلبه قازاندی

Сўнгги янгиланиш 31 октябр 2012 - 05:29 GMT

کابلده یولگه قویلگن بیرینچی حرفوی بوکس بیلله شووده حمید رحیمی تانزانیالیک رقیبی سید امبلوا گه غلبه قازاندی. اوشبو بیلله شو کابلده گی لویه جرگه تالاریده یولگه قوییلیب قریب یریم ساعت دوام تارتدی.

بیلله شوونینگ یتتینچی دوریده، سید امبلوا بیلله شوگه کیریشگه اشتیاقی بولمه گنی اوچون حکم ، حمید رحیمی نینگ موفقیت دیه قولینی کوتاردی.

23 یاشیده بولگن تانزانیالیک بوکسچی افغان رقیبی تمانیدن قتیغ ضربه کورگنی باعث اون ایککینچی روند گه قدر بیلله شونی دوام بیره آلمه دی.

اوشبو بیلله شوو اورته وزنده دبلیو بی قهرمانلیک کمربند ی نینگ قولگه کیرتیش اوچون جهانی بوکس فدراسیونی تمانیدن یولگه قوییلگن ایدی.

بو بیلله شو صلح اوچون جنگ دیه ناملنگن ایدی.

بیرینچیدن بیلله شوو اقشام ساعت یتتی اطرافیده بولیب اوتیشی اعلان قیلیندی لیکن بیلله شو ساعت اون باشلندی.

سعید امبلوا، 31 حرفوی بوکس بیلله شوده اشتراک ایتیب 19بار موفقیت قازانگن. سککیز بار رقیببی مقابلیده بای بیریب تورت بارهم مساوی قیلگن.

29 یاشیده بولگن حمید رحیمی 21 بار بیلله شوده کیریب 20 بار یوتوققه ایریشگن.

بولیب اوتگن بیلله شوو مخلص لری جوده هم کوپ بولیب ایککی مینگ دن ارتیق تماشاچی لویه جرگه تالاریگه حضور تاپگن ایدی.

شونینگ دیک بیلله شو یولگه قوییلگن محل اطرافیده قتیغ خوف سیزلیک چاره تدبیرلری اورنه تیلگن ایدی. شو اوچون هم تالارگه کیریب باریشی اوته قینت ایدی.

حمید رحیمی بیلله شوده اشتراک ایتگن شخصلر تمانیدن قیزیق کوتیب آلیندی. نیتجه اعلان ایتلیشی بیلن کوپچلیک رینگ گه چیقیدی شوندی بیرحالت تارلارنینگ عادی وضعیتینی اوزگرتیردی.

پلیس عسکرلری رینگ اطرافی ورینگ گه چیققن شخصلرنی زور بیلن ترقاقلنتریشگه مجبوربولدی.

شوندی نظم سیزلیک لر ایتلیشیچه بیلله شودن سونگ بولیب اوته جک کنسرتنی هم بیکار قیلینیشگه سبب بولدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.