BBC navigation

افغانستان نینگ کیله سی ییلده گی بودجه سی 7 ملیارد دالر بولگن

Сўнгги янгиланиш 6 ноябр 2012 - 11:16 GMT

افغانستان مالیه وزیرلیگی مملکت نینگ 1392 نچی قویاش ییلیده گی مالی بودجه روی خطینی سنا مجلیسیده ایلگری سوردی.

مذکور روی خطده، افغانستان نینگ ترقیات و عادی بودجه سی 7 ملیارد دالر دیب معلوم بولگن.

مالیه وزیری عمر زاخیلوال گه کوره، کیله سی ییلده گی مالی بودجه، 1391 نچی عادی بودجه سی دن کوره 46 فایز کوپه یگن.

مذکور بودجه نینگ اکثر قسمی مدافعه و ایچکی ایشلر وزیرلیگی همده معارف بولیمیده اختصاص بیریلگن.

7 ملیارد دالر نینگ اوچ اعشاریه 7 ملیاردی عادی بودجه گه تیگیشلی و اوچ اعشاریه ایککی ملیارد دالری ایسه، ترقیات بودجه سیگه اجره تیلگن.

افغانستان مالیه وزیری عمر زاخیلوال، حاضر هم مملکت نینگ 95 فایز اقتصادی و 44 فایز عادی بودجه سی خارجی اولکه لر یاردم لری بیلن تامین بولیشی نی معلوم قیلیب، لیکن کیله سی ییل لرده افغانستان اوزی اقتصادی نینگ رواجلنتیریشگه مجبور بولیشی اوستیده تاکید قیلگن.

"خذمت ترقه تیش اوچون محلی اداره لر نقشی، حیاتی دیر وبونینگ بودجه سی هم تامین بولیشی کیره ک. ایچکی عاید یا منفعت لر نینگ کوتاریلیشی بیرینچی ایشلریمیزدن دیر. بو مسئله ده فقط گینه ریجه لر قوریش و فساد گه قرشی کوره شیش بیلن مالیات بیریش دن قاچه یاتگن لر آلدینی آلیشگه قادر بوله میز. باشقه تماندن، خصوصی سکتور گه فعالیت لری نینگ کینگه یتیریشی مقصدیده زمین یره تیشی میز بیلن، ینگی مالیات منبع لرنی قولگه کیلتیره میز".

زاخیلوال جنابلری گه کوره، عادی بودجه ده، 21 فایز یوللرنینگ توزه تیشی، 11 فایز برق ییتکزوچی ترماغ لری و پروژه لری، 9 فایز زراعت بولیمیده، 8 فایز عالی اوقوو بولیمیده، و 4 فایز هم ساغلیک ساحه سیده اجره تیلگن.

شو نینگ دیک، ترقیات بودجه سیده، 28 فایز مدافعه وزیرلیگی، 16 فایز زراعت و قشلاق لرنینگ رواجلنتیریشی بولیمیده، 13 فایز ایچکی ایشلر وزیرلیگیگه و 11 فایز دن کوپراق ایسه معارف بولیمیده اجره تیلگنی انیقلنگن.

مالیه وزیری نینگ ایتیشیچه، خارجی کوچلر مملکتدن چیقیب کیتیشی بیلن افغانستان دولتی مصرف لری نینگ کوپ قسمی نی اوزی ایلکه سیگه آلیشی کیره ک بوله دی.

زاخیلوال جنابلری مذکور مصرف لر، افغانستانده ایشلری باشلنگن ییر آستیده گی بایلیک لرنینگ ایشله ب چیقاریشی بیلن تامین بولیشینی ایتیب، همده 2014 نچی ییل دن کیین افغانستان اقتصادی انقراض گه دوچ کیلیش خواطرلرنی اساس سیز دیب معلوم قیلدی.

افغانستان باش قانونی گه کوره، مملکت سنا مجلسی حکومت تمانیدن ایلگری سوریلگن مالی بودجه سی نینگ 15 کون گه قدر تیکشیریشگه حقی بار. مذکور بودجه طرحی سنا مجلسی تمانیدن تایید بولیشی بیلن مملکت اولوسی جرگه سی نینگ اعتماد آوازینی آلیشگه کیتیشی بیلگی لنگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.