BBC navigation

شمالی ولایتلر خوف سیزلیگی یمانلشیب بارماقده؟

Сўнгги янгиланиш 10 ноябр 2012 - 12:48 GMT

مملکت شمالی ولایت لری خوف سیزلیگی باشقه بولگه لردن کوره یخشی راق دییلسه ده بیراق سونگی پیت لرده شمالی منطقه لرده عصیانچیلیک فعالیت لری کوپه یگنی دن خواطر لر کوچه یگن.

مذکور بولگه ده اینگ سونگی واقعه یوز بیرگنی، میمنه ده قربان بیره می نینگ بیرینچی کونیده گی خود کش لیک هجوم و اوندن کیین، مذکور ولایت ده گی دین عالم لری نینگ بیری ترور بولیشی دیر.

شمالی ولایت لرده یشه یاتگن اهالی هم مذکور ولایتلر چیککه حدود لریده طالبان گروهی نینگ حضوری انچه ایکن لیگی دن شکایت ایته دیلر. شو نینگ دیک مذکور ولایتلر حاکم لری هم بو فعالیت لرنی رد ایتمه یدیلر.

بلخ ولایتی دن چیقیب، جوزجان گه قره ب کیتیش یوللر، همده شبرغان دن فاریاب و سرپل گه اجره تیلگن شاه یوللری نینگ خوف سیزلیگی کوندوز تمانیدن یخشی بولگن. یول نینگ هر بیر نیچه کیلومترلیگیده بیر خوف سیزلیک پوسته و پولیس گیزمه لری کوزگه کورینه دی. بیراق، جوزجان، سرپل و فاریاب یشاوچیلری مذکور ولایت نینگ چیکه حدودلریده خوف سیزلیک کون سایین یمانلشیب باریشی دن خواطر اظهار ایته دیلر.

جوزجان ولایتی نینگ فیض آباد تومنی یشاوچی لریدن باز محمد گه کوره، مذکور تومن، بلخ ولایتی نینگ دولت آباد اولوسوالیگی بیلن چیگره داش بولگنی اوچون، طالب لر خوف سیزلیک پوسته لر قرشی سیده هجوم قیلیب حتی کی عادی اهالی نی اولدیریشیگه اورینه دیلر.

بو سوزلرگه قرگنده، جوزجان والی سی محمد عالم ساعی ایسه، مذکور ولایت نینگ بعضی حدود لریده بوندن آلدین طالب لر حاکمیت قیلریدی لیکن حاضر او منطقه لر دولت حاکمیتی گه کیریتیلگن. اما عصیانچی لر مذکور ولایت خوف سیزلیگی نینگ یمان تمانگه آغدریش اوچون فاریاب و سرپل ولایت لریدن جوزجانگه کیریب کیلیشی نی معلوم قیله دی.

شونده ی بیرحالده، سرپل حاکمی عبدالجبار حقبین هم، خود جوزجان حاکمی دیک گپیره دی. اونگه کوره، سرپلده فعالیت قیله یاتگن عصیانچیلر، فاریاب، جوزجان و غور ولایت لریدن کیریب کیله دیلر.

"سرپل ولایتی ده محلی طالب لر هم بار و بیرقنچه خارجی لر هم بار، یعنی پاکستانلیک لر بار کی انتحار قیلوچی لرنی بو ییرگه کیلتیره دیلر. اما حاضر گه چه انتحار هجومی نی بجره آلمه گن لر. بو ییرده فعالیت قیله یاتگن اکثر طالب لر، بیزنینگ همسایه ده گی ولایت لریمیزو سرپل نینگ محلی طالب لریدن عبارت. حاضر فقط بلخاب منطقه سی و غور ولایتی گه یقین بولگن کوهستانات تومنیده بیزنینگ بیر قنچه خوف سیزلیک قیین چیلیگیمیز بار."

حقبین جنابلری شونگه قوشیمچه قیلیب، عصیان چیلر فعالیتی نینگ آلدینی آلیش اوچون، سرپل چیکه حدود لریده محلی پولیس رقمی نینگ آشیریشی بیلن وضعیت یخشی تمانگه کیته یاتگنینی اورغوله دی.

جوزجان و سرپل ولایت لری نینگ خوف سیزلیک مسئله لریدن تشقری، سونگی وقت لرده فاریاب وضعیتی کوپراق یمانلشیشی انچه خواطرلرنی توغدیرگن.

مذکور ولایت یشاوچیلری، عصیان چی لرنینگ فعالیت لری، فاریاب نینگ ایریم بولگه لریده کوزگه کورینه دی.

اندخوی تومنی نینگ یشاوچی لریدن چاری محمد گه کوره، قوراللی طالب لر اونلب موترسایکل بیلن بیرگه لیکگه اندخوی نینگ چیکه حدود لریده فعالیت قیله دیلر.

شمالی ولایت لرده گی سونگی عصیانچیلیک حادثه لر و فاریاب ولایتی ده گی ترور رقم لری کوپه یگنیگه قرگنده، میلادی 2014 نچی ییلده خارجی لر چیقیب کیتیشی بیلن مذکور بولگه لر وضعیتی انچه یمانلشیش خواطری هم انچه کوپه یگنی کوزه تیلماقده.

باشقه تماندن فاریاب خوف سیزلیک مقاملریگه کوره، عصیان چیلر فعالیت لری نینگ آلدینی آلیش مقصدیده مذکور ولایت نینگ ایریم حدود لریده ینگی حربی تکتیک لردن فایده لنماقده.

فاریاب پولیسی گه کوره، مذکور تکتیک دن فایده لنیش فاریاب ولایتی دن باشلنگن و حاضر گه قدر باشقه هیچ بیر ولایتده عملگه آشیریلمه گن.

شو نینگ دیک پولیس مقام لریگه کوره، بو ینگی تکتیک طالبان گه قرشی بیرینچی مرته اوچ کون ایلگری فاریاب نینگ شیرین تگاب تومنیده علمگه آشیریلیب نیتیجه ده نیچه طالب هلاک بولدی و ینه نیچیته سی هم اوشله ب آلینگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.