BBC navigation

کابل بانک معماسی اوچون بیرینچی بارآچیق محکمه یغینی بولیب اوتدی

Сўнгги янгиланиш 15 ноябр 2012 - 06:23 GMT

کابل بانک بحرانی حلی اوچون قوریلگن مخصوص محکمه، غیر قانونی ونامعلوم شخصلرگه پول قرض بیریش، پول نینگ خارج اولکه لرگه چیقاریش همده مردم تمانیدن تاپشریلگن پوللردن سوی استعمال بولینیشی کابل بانک نینگ مالی انقراض بیلن یوزمه یوز قیلگنینی معلوم قیلدی.

عینی حالده محکمه، کابل بانک ومرکزی بانک مسوللری نینگ کابل بانک دوسیه سیگه عیبدار ایکنینی ایتگن.

کابل بانک اساسچیلردن شیرخان فرنود اوشبو بانک معاونی خلیل الله فیروزی وباشقه بیر نیچه عیبدار شخص محکمه جلسه سیده حضور تاپگن ایکن.

شیرخان فرنود محکمه جریانیده سوزیورتیب ، مارشال قسیم فهیم ایناغه سی حصین فهیم، کابل بانک اورین باسری خلیل الله فیروزی ، افغانستان محکمه سی و جمهوررییس کرزی کابل بانک نینگ مالی انقراض بیلن یوزمه یوز بولیشیگه عیبدار ایکنینی ادعا قیلگن.

بو عیبلاولر ایسه فیروزی جنابلری تمانیدن رد ایتیلگن. همده شیر خان فرنود و فیروزی بیر برولرینی عیبلب چیققن.

محکمه ایشی کیله سی کونلرده هم جریان تاپیشی کوتیله دی.

کابل بانک بحرانی:

قریب ایککی ییل آلدین کابل بانکده سهمی بولگن شخصلر مردم تمانیدن تاپشریلگن پوللرنی قرض شکلده الگن ایدیلر.

اولرنینگ ایریم لری قرض شکلده آلگن پوللرگه دوبیدن جایداد ساتیب آلیشگن ایدی. جهانی بحران باعث دوبیده گی جایدادلر نرخی هم اوته پس توشدی.عینی حالده بومسله کابل بانک معامله لریگه هم تاثیر قالدیریب مردم تاپشیرگن پوللرینی بانک دن چیقاره باشله دی.

نتیجه ده کابل بانک پول کمچیلیگی بیلن دوچ کیلدی.

افغانستان جمهوررییسی نینگ ایناغه سی محمود کرزی و جمهوررییس نینگ بیرینچی اورین باسری محمد قسیم فهیم ایناغه قرضلرینی تاپشیرمه گن شخص لرقطاریده بولگنی ایتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.