BBC navigation

معنوی: سیلاولر کمیسیونی قانوننی اوزگرتیریش صلاحیتیگه ایگه ایمس

Сўнгги янгиланиш 19 ноябр 2012 - 12:11 GMT

کیله سی ریاست جمهورلیک ولایتی کینگاش سیلاولری نینگ بولیب اوتیش زمانی باره سیده گی قرمه قرشی لیکلر مستقل سیلاولر کمیسیون باشلیغی نینگ ملت وکیللری حضوریگه باریب جواب بیریشگه مجبور لنتیردی.

افغانستان اولوسی جرگه وکیللریگه کوره، تعین ایتیلگن تاریخ قانونی واقلیمی قینچلیک لر بیلن بیرگه بولگن.

عینی حالده اولر ولایتی و ولسوالی کینگاش سیلاوی نینگ 2013 میلادی ییلگه بولیب اوتیشینی اورغوله دیلر.

حال بوکی مستقل سیلاولرکمیسیونی ولایتی کینگاش سیلاوی نینگ ریاست جمهورلیک سیلاو بیلن بیرگه 2014 میلادی ییلگه بولیب اوتیشی اعلان قیلگن ایدی.بیراق مستقل سیلاولر کمیسیونی فضل احمد معنوی ریاست جمهورلیک سیلاو نینگ اعلان ایتیلگن تاریخده بولیب اوتیشی قانونگه ماس بولگنینی اورغولب شوندی فکر بیلدیردی :" تاسف بیلن اساسی قانون توزه تیلگن پیتی بوموضوع گه اعتبار قره تیلیب افغانستان نینگ اقلیمی شرایط نظرده توتیلشی لازم ایدی. مستقل سیلاولر کمیسیونی قانوننی اوزگرتیریش و تفسیر قیلیش صلاحیتی گه ایگه می؟ اگرقانونی قندی دیر قینچلیک تاپیلسه قانونی مرجع لر حل قیلیشی کیره ک بیز فقط پروسه نی تطبیق قیله میز، سیلاولر تاریخی نینگ قانونگه ماس اعلان ایتلیشی سیز تمانیدن خوش قرشی له نه دیگن امیده ایدیم لیکن اوندی بولمه دی.اگر قانونی مشکلی حل بولسه بیز سیلاولر تاریخینی اوزگرتیشی میز ممکن."

ملت وکیللریدن محمد یونس قانونی بومشکل حلی اوچون سیلاولر تاریخینی قیته کوریب چیقیش همده، رای بیریش مرکزلرینی کوپیتریش کیره ک لیگینی اورغوله دی. لیکن مستقل سیلاولر کمیسیون باشلیغی سیلاولر زمانینی اوزگرتریش اوچمون اوشبو کمیسیون نینگ هیچ قندی صلاحیتی بولمه گنینی اورغوله دی.

باشقه تماندن عمومی یغینده، ایریم ملت وکیللری، ولایتی و ولسواللیک کینگاش سیلاولرینی بیر زمانده یعنی 2013 میلادی ییلده بولیب اوتیشینی تکلیف ایتدی. اما کمیسیون باشلیغی مالی بودجه و امنیت تامین لنگنده کمیسیون نینگ هیچ قندی مشکلی یوق لیگینی تاکیدله دی.

سیلاولر جدولیگه ماس ریاست جمهورلیک و ولایتی کینگاش سیلاولری 1393. قویاش ییلی حمل آیی نینگ 16. سیده بولیب اوتیشی انیق لنگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.