BBC navigation

" پارلمان اعضالری نینگ (و /ج ) و (م / ج) پلیت لردن فایده له نیشی ناقانونی"

Сўнгги янгиланиш 19 ноябр 2012 - 12:26 GMT

پارلمان اعضالری نینگ ناقانونی نمبرپلیت لردن فایده له نیش لری سونگی پیتلرده ارتیب بارماقده. کابل ترافیک اداره سی و همده اولوسی جرگه نینگ اداری هیاتی (وج) و( م ج) تور پلیت لرنی ناقانونی بیله دی.

ایریم ملت وکیللری بو پلیت لرنینگ بیکار قیلینیشی طلب قیلگن. اولرایسه مخالف قوراللی گروه لر بو کبی پلیت لردن عصیانچیلیک فعالیت لری اوچون فایده له نیشدن خواطر اظهارایتگن.. اولوسی جرگه نینگ بیرینچی کتابتنچیسی عبدالستار خواصی ایریم ملت وکیللری نینگ بوخصوصده بولگن طلب لرینی حتی کی عمومی مجلیسده هم مطرح قیلدی. اونگه کوره (و ج ) و ( م ج ) تور پلیت لردن فایده له نیش پارلمان ایشکریسی و تشقریده امنیتی خواطرلرگه سبب بولگن.

ملت وکیللری نینگ موترلری پارک بولینگن منطقه ده نظر سالگنده اونلب پلیت سیز موترلرنی کوریش ممکن اولر،نمبر پلیت اورنیده (و /ج ) و ( م / ج )( یعنی اولوسی جرگه و مشرانوجرگه معنی سیده، پارلمان ده گی عضویت شماره لرینی اوز موترلریگه نصب قیلگن.

ایریم پارلمان اعضالری بوکبی پلیت لردن فایده له نیش حاللری ارتیب باره یاتگنینی اورغوله دی.

اولوسی جرگه نینگ اداری هیاتی هم بوندی پلیتلردن فایده له نیش غیرقانونی ایکنینی ایته دی بوحقده ینه هم عبدالستار خواصی گپیره دی:"امید قیله من بی بندبارلیک و المناک حادثه لرنی یوزبیریشنی الدینی آلیش اوچون،بوکبی پلیت لرنی بیکار قیلیش اوچون تیز آره ده قرار آلینسین بو ریجه گه موافق قرق وکیل هم امضا چیککن بو پلیت لر ناقانونی بولگن شو اوچون ملت وکیللریدن ایستی من کی بو پلیت لرنی اوز موترلریگه نصب قیلمه سینلر."

کابل ترافیک اداره سی نینگ رییسی جنرال نظام الدین دادخواه موترلر وبو موترلر نمبر پلیت لری،اوشبو اداره گه ثبت بولمه گنینی ایته دی.

ایتلشچه دولتی مقاملرنی تعین لش اوچون پارلمان نینگ اساسی رولی بار. شوباعث هم شاید ترافیک اداره رییسی قطع فکر بیلدیرمیدی:"بومتر لر ترافیک اداره سیگه ثبت بولمه گن، لیکن مین شوندی پلیتی بولگن موترلرنی جوده آز کوره من، بیرنیچه موتر بولیشی ممکن، اوشبو موترلردن فایده لنه یاتگن شخصلر اولکه میزنینگ ایشانچلی شخص لری دیر.قندی دیر معما ایمس، بونی تیکشرماقده میز نهای بولگندن کیین سیزلرنی جریانگه قویه میز."

هم ترافیک اداره سی وهم اولوسی جرگه نینگ اداری هیاتی بو کبی پلیت لردن فایده له نیشنی غیر قانونی بیله دی.

ایریم ملت وکیللری شوندی پلیت لردن عصیانچیلیک فعالیت لریگه قوله نیشدن خواطر ده.

هرچند حاضرگه قدرهم عصیانچیلر مخصوص پلیت لردن فایده له نیب قندی دیر عصیانچلیک فعالیتیگه قول اورمه گن، لیکن اوتمیشلرده طالبان عصیانچیلری امبولانس موتریدن فایده له نیب کابلده گی فروشگاه گه هجوم قیلگن ایدی.

ایریم لرگه کوره، بعضی بیر ملت وکیللری ناقانونی نمبرپلیت لردن فایده له نیب بیرتماندن قانوننی ایاغ آستی ایته د ی، باشقه تماندن قیمت بها زره لی موترلری اوچون گمرکی محصول توله شدن باش تارته دیلر.

شوندی نمبرپلیت لردن فایده لنه یاتگن پارلمان اعضالریدن ایکتته سی اوز دلیل لرینی قوییده گی چه اچیق له دیلر:"حاجی الله گل مجاهد کابل ملت وکیلی من،زرهلی موترلر باره سیده ایتسم، بعض بیر وکیللر شخصی پوللریگه بیر بیریریم لک دالرگه زرهلی موتر ساتیب آلیشگن. بو پولنی هم ایناغه لر میز ویقینلری میزدن الگن میز، اگر بونی محصول قیلسک بیرلک دالر محصول بوله دی. بیز جانی میزنی سقلش اوچون بوموترنی الگن میز.

سنا مجلیسیده هرات وکیلی شهناز غوثی من، بوپلیتدن فایده له نیشیمگه خاص دلیل یوق،وقت بولمه گنی اوچون بو پلیت نی اوز موتریمگه قوندیرگن من، یقنیده پلیت الیشگه اورینماقده من ،بو بیزنینگ مشکلی میز ایمس بلکه دولت مشکلی دیر.

شوندی پلیت لردن استفاده قیله یاتگن ایریم ملت وکیللری بوکبی پلیت لر بولمه گن ده مهم کوچه لرده کیریب باریش اوته قینت ایکنینی اورغولیدی.

نیچه ییلدن بیری افغانستان پارلمانی دولت نینگ قانوننی ایاغ ایستی قیلیب کیله یاگنی گه عیبلیدی بیراق ایریملر قانون توزه توچیلر تمانیدن قانون ایاغ استی بولیشی قبول قیلنرلی بیر حالت بولمه گنینی ایته دی . رسمیلرگه کوره و ج و م ج پلیت لردن فایده لنیش ناقانونی بیر عمل بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.