BBC navigation

اولوسی جرگه رییسی: پولی سیاست قیته کوریب چیقیلسین

Сўнгги янгиланиш 21 ноябр 2012 - 13:21 GMT

مرکزی بانک رییسی، مالیه واقتصاد زیرلری نینگ دالر مقابلیده افغانی پول ارزشی پس توشگنی خصوصیده بیرگن جوابلری ملت وکیللری نینگ قانیقتیرمه گنی سببلی پولی سیاست قیته کوریب چیقیلیش طلبی اولوسی جرگه رییسی تمانیدن ایلگری سوریلدی.

بیرهفته آلدین افغانی پول نینگ دالر مقابلیده پس توشگنی باعث افغانستان مرکزی بانکی دالرنی بازارده لیلام قیلیشی بیلن، افغانی پول ارزشی نینگ بیراز کوتاردی. لیکن شوندی بولسه هم افغانی پول ایککی هفته الدینکی ارزشینی تاپمه گن . عینی معما باعث مرکزی بانک رییسی ، مالیه و اقتصاد وزیرلری بوگون اولوسی جرگه نینگ عومی یغینده چقریلگن ایدیلر.

افغانستان مرکزی بانک رییسی نورالله دلاوری ، دالر نینگ ناقانونی قاچاق ایتیلیشی 2014 میلادی ییلدن کین وضعیت بوزیله دی دیگن تلیغات لر افغانی پول ارزشینی کمیشیشگه سبب بولگن دیب فکربیلدیردی:" مینی فکریمچه ، افغانی پول ارزشی نینگ پس توشیشگه قندی دیر اساسی عامل بولمه گن. اوزلریزگه هم معلوم کی 2014 میلادی ییلدن کیین اقتصادی معمالر یوزبیریشی ممکن دیگن تبلیغات لر موجود. مرکزی بانک بوخصوصده چقور مطالعه آلیب باردی هیچ قندی اقتصادی معما یوزبیرمه یشی ممکن."

افغانستان مالیه وزیری عمر زاخیل وال هم افغانی پول ارزشی نینگ کمیشیگه اساسی عامل امنیت و اقتصاد خصوصیده الیب باریله یاتگن بی اساس تبلیغات لر بولگنینی اورغوله دی.

مقاملرنینگ بوکبی بیرگن جواب لری ملت وکیللری نینگ قانیتقیره آلمه دی، شوباعث هم پولی سیاست نی قیته کوریب چیقیلیشی طلب قیلیندی بوباره ده اولوسی جرگه رییسی عبدالروف ابراهیمی شوندی دیدی:" حاضرگی شرایطده قره گنده پولی سیاست افغانستان مردم نینگ طلبینی قانیقتیره آلمیدی. مرکزی بانک رییسی، مالیه وافتصاد وزیرلیکلری افغانی پول نینگ پش توشیب کیتمسلیگی و اقتصادی ثبات اوچون پولی سیاستنی قیته کوریب چیقسینلر."

افغانستان مرکزی بانک رییسی افغانی پول ارزشینی دالر مقابلیده بیر سطح گه اوشلب توریش اوچون اساسی چاره تدبیر کورمه گنیگه عیبلندی. لیکن افغانستان مرکزی بانک رییسی دلاوری جنابلری افغانی پول نینگ دالر مقابلیده ارزشی پس توشیب کیتمیه یشی اوچون هرهفته ده التمیش ملیون دالرنینگ بازارده لیلام ایتیله یاتگینی اورغوله دی. شونینگ دیک او، افغانستان نینگ میلونلب دالر بانکی ذخیره لری هم افغانی پولی نینگ پس توشیب کیتمسلیگیگه ایجابی توشینشی ایتدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.