BBC navigation

کابلده امریکالیک لر نینگ حربی مرکزی یقینیده انتحاری هجوم یوزبیردی.

Сўнгги янгиланиш 21 ноябр 2012 - 07:21 GMT

کابل شهری نینگ وزیر اکبر خان منطقه سیده گی امریکا لیک لرنینگ حربی مرکزلردن بیری یقینیده انتحاری هجوم یوزبیردی. اوشبو منطقه ده ایریم ایلچی خانه لرهم جایلشگن.

معلومات لرگه کوره انتحارچی بیرشخص بوگون ساعت سککیز اطرافیده امریکا لیک لرنینگ وزیراکبر خان منطقه سیده گی حربی مرکزی یقنیده اوزینی پارتلتگن.

انتحاری شخص اوشبو حربی مرکزده انتحار قیلشینی مقصد قیلگن ، لیکن امنیتی قوریقچیلری بیلن یوزیوزمه یوز بولنگی باعث اوز مقصدیگه ایریشه المه گنی ایتیله دی.

کابل پلیس اداره سی نینگ سوزچیسی حشمت الله ستانکزی اوشبو انتحاری هجوم تلفات هم قالدیرگنینی ایتیب ،بیراق بوخصوصده ارتیق معلومات بیرمه دی.

کوزه توچیلر ایسه پارتلش دن سونگ محلده امبولانس لر ایتیب کیلگنینی ایتیشگن.

اسوشیتدپرس خبر آژانسی سی کابل پلیس اداره سی نینگ جنای وتحقیقات مسوولی اظهاراتیگه ماس، انتحارچی شخص امریکا حربی مرکزیگه ایتیشمی امنیتی کوچلر تمانیدن انیق لنگن دیب خبربیرگن.

عینی حالده اوشبو خبر آژانسی سی، انتحارچی جسدی دن باشقه بیر جسد هم حادثه یوزبیرگن محلده کوریلگندیب یازگن. لیکن اونینگ کیملیگی باره سیده خبر ترقه تیلمه گن.

پلیس منبع لریدن باشقه بیری یوزبیرگن انتحاری هجومده ایککی نفر یره لنگنینی معلوم قیلیب، بیرقنچه نقلیه واسطه لریگه هم خسار یتکزیلگنینی اورغوله گن.

افغانستانده گی خارجی منبع لرحاضرگه قدر هم بوخصوصده قندی دیر مناسبت بیلدیرمه گن.

طالبان عصیانچیلری بیر خبرنامه ترقه تیب انتحاری هجوم مسوولیتینی اوزبوینیگه آلگن، همده اوشبو گروه تمانیدن ترقه تیلگن خبرنامه ده هجومدن اساسی مقصد امریکا لیک لرنی حربی مرکزی بولگنی ایتیلیب، خارجی کوچلر گه اغیر تلقات یتکزیلگنی ادعا قیلینگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.