BBC navigation

کابل بانک معما سی سیاسی اره لشو لر باعث روی بیرگن

Сўнгги янгиланиш 28 ноябр 2012 - 13:08 GMT

غیر قانونی ملیون لب دالر نینگ تشقریده چیقاریش، نظارت سیزلیک و ساخته حجت لر توزه تیلیش کابل بانک نی بحرانگه الیب کیلیشگه سبب بولگن

کابل بانک بحرانی حلی اوچون ایجاد ایتلگن قوشمه مخصوص کمیسیون الیب باریلگن تیکشرو نتیجه سینی اعلان قیلدی. بو حسابات کابل بانککه عاید 185 صحیفه دن عبارت بولگن حجتلر تیکشریلیب تیارلنگن. حساباتده، ، غیر قانونی ملیون لب دالر نینگ تشقریده چیقاریش، نظارت سیزلیک و ساخته حجت لر توزه تیلیش کابل بانک نی بحرانگه الیب کیلیشگه سبب بولگن اساسی عامللر دیب کوره سه تیلگن. شونینگ دیک بو بانک خصوصیده گی سیاسی اره له شوو لر کابل بانک بحرانینی ینه ده مرکب لشتیرگنی اورغولنگن. عینی حالده کابل بانک بحرانی حلی اوچون دنیاجماعت چیلیگی نینگ ناوقت عمل قیلگنی هم عامللردن بیری بولگنی ایتیلگن.

5 ایی جریانیده افغان وخارجی متخصص لر اشتراکی بیلن ایجاد ایتلگن کمیته تمانیدن چیقاریلگن حساباتده کابل بانک نینگ مالی انقراض بیلن دوچ کیلگنیگه اساسی عامل نیمه بولگنی تیکشریلمه گنی جدی تنقید آستیده آلگن. حساباتده یازیلیشچه بوخصوصده مرکزی بانک و قاره لوچی اداره سی تیزلیک بیلن حرکت قیمله گنی گه عیبلنگن. شونینگ دیک قریب بیر ملیارد دالر کابل بانک حصه دارلری تمانیدن ناقانونی شکلده تشقری اولکه لرده چیقاریلگنی هم معلوم قیلینگن.بوگون کابلده عینی مسله باعث مطبوعات انجمنی یولگه قوییلگن قوشمه کمیته باشلیغی، دراگو کاس تورت ییل جریاینده کابل بانک ارقه لی تشقریده الیب چیقاریلگن تورت ملیارد دالردن قریب بیر میلیاردی غیر قانونی شکلده چیقاریلگنینی ایتدی.

" 5 میلیارد دالر 4 ییل جریانیده افغانستاندن کابل بانک آرقه لی تشقی اولکه لرگه چیقاریلگن ممکن که بوپول لرنینگ چیقاریشیگه قانونی یول لرهم بولگن بولسه لیکن افغانستان چیگره لریدن چیقاریلگن هرچند بو موضوع ایسه گزارش ایچیده قید ایتیلمگن .

تشقی اولکه لرگه چیقاریلگن پول لرجمله سیدن 900 میلیون دالری ایسه کابل بانک بحرانی گه قوللری باربولگن شخص لرگه تیگیشلی دیر که 400 میلیون دالری مشخصاً کابل بانک گه حصه دار بولگن شخص لرآرقه لی 12 اولکه ده آلیب کیتیلگن دیب ایتی دراگو جنابلری."

شونینگ دیک اشبو کمیته تیکشیرولریگه کوره کابل بانک نینگ بحران گه آلیب کیلیشگه اساسی سبب سیاسی اره له شوو لر ، اداره لرنینگ ضعیف لیگی همده ساخته حجت توزه تیش، حصه دارلرنینگ مالی منبع لری آلدین دن تیکشریلمه گنی دیب کورسه تیلگن.

اما کابل بانک دن ناقانونی شکلده چیقاریلگن قریب بیرمیلیارد دالر قیته حصول قیلیشی هلی هم حل بولمگن بیرمسأله گه ایلنگن ، لیکن دراگو جنابلری نینگ معلوم قیلیشچه اوغیرلنگن پول لر جمله سیدن حاضرگه چه قریب 320 میلیون دالری قیته حصول بولینشیگه قرار آلینگن .

"کابل بانک معما لرینی تصفیه ایتیش اداره سی حاضرگه چه بحرانگه آلیب کیلتیریگن قوللری بار شخص لرآلدیدن 135 میلیون دالرنی نقد شکلده و 181 میلیون دالرنی اولر نینگ دارایی لری آرقه لی که ممکن بعضی قسمی اوز قیمتی دن کوره ییتک راق ساتیلسه تصفیه قیلنگن ، لیکن بیزلر نینگ امید میز بودیر که کابل بانک دن اوغیرلنگن پول لرنینگ اینگ از 50 فایزی اشبو اداره ارقه لی قیته حصول ایتیلسین." دیب ایتگن دراگو جنابلری.

معلومات لرگه کوره مذکور تیکشیرولر ایسه کابل بانک توغیرسیده گی 185 صفحه سند لر کورلیب همده 30 کشی بیلن بولگن صحبت لر اساسیده ترقه تیلگن.

شونینگ دیک تیکشیرولرگه کابل بانک نینگ بحران گه آلیب کیلیشگه 12 کیشی نینگ قولی بارلیگی ایتیلگن که اوشبو شخصلر 7 شرکت گه ایگه ایکنلیکلری هم ایتیلگن.

بوندن الدین کابل بانک بحرانی اوچون مخصوص محکمه یولگه قوییلیب کابل بانک نینگ سابق رییسی شیرخان فرنود و معاونی خلیل الله فیروزی اوشبو بانک نینگ بحرانیگه اساسی عیبدار دیه تانیشتیرلگن ایدی.

لیکن شیرخان فرنود، اساسی عیبدار حصین فهیم ، خلیل الله فیروزی قاره لوچی اداره سی و جمهورریس کرزی بولگنینی ادعا قیلگن ایدی.

لیکن اونینگ بوکبی ادعالری خیلیل الله فیروزی تمانیدن رد ایتلیب بومسله اولر اره سیده لفظی تارتیشمه لرگه هم سبب بولدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.