BBC navigation

محمد اسماعیل خان استیضاح جلسه دن موفق چیقدی

Сўнгги янгиланиш 3 декабр 2012 - 12:40 GMT

افغانستان اولوسی جرگه سی، مملکت سوو و برق وزیری محمد اسماعیل خان نینگ استیضاح جلسه سیده چقیردب، اما او؛ بو استیضاح جلسه سیدن موفق چقدی.

اسماعیل خان نینگ استیضاح قیلیش طرحیده 67 ملت وکیل امضا قیلگن ایدی. سببی هم، اسماعیل خان، مملکت غربی حدود لریده قورال ترقه تیش و سوو و برق وزیرلیگی نینگ ترقیاتی بودجه سیده موفق بولمه گنی دیب ایتیلگن ایدی.

اما اسماعیل خان قورال ترقه تیش مسئله سی نی رد قیلیب خلق نینگ بیرلیک و بیردملیکگه چقیرگنینی معلوم قیلدی.

شو نینگ دیک اسماعیل خان جنابلری، اولوسی جرگه ده نه فقط بیر وزیر صفتیده کیلگنی نی ایتدی بلکی ییللر بوییچه افغانستان ایرکین لیگی اوچون اوریشگن بیر مجاهد ایکنینی هم ایتدی.

اسماعیل خان، آمو دریا افغانستان توپراغینی اییب کیله یاتگنینی نینگ آلدینی آله آلمس لیگی، همده مذکور وزیرلیک کوپ گینه تمل پروژه لر قرار دادینی ایران لیک شرکت لرگه حواله ایتگنی، جوزجان برقی توزه لمه گنی، فاریاب و سرپل سوو توغان لری اوچون اعتبار قره تمسلیگیگه سبب نیمه ایکنی ملت وکیللر تمانیدن یوریتیلگن باشقه سوراق لردن عبارت ایدی. اما اسماعیل خان، فاریاب ده گی سو توغان لری اوچون ایشلر جریانی بارلیگی نی ایتیب، جوزجان برقی توغری سیده جواب بیرمه دی. همده او، سرپل سو توغانی توغری سیده نیچه مرته تیکشیریش یولگه قوییلیب، لیکن مذکور تیشکیشریشلر نتیجه گه ایریشمه گنی نی هم تیلگه آلدی.

باشقه تماندن اسماعیل خان، آمو دریا نینگ افغانستان تمانینی مستحکم لش اوچون حاضر گه قدر قریب 11 ملیون دالر سرمایه یاتقیزیلگنینی معلوم قیلدی.

شو نینگ دیک اسماعیل خان افغانستان سوو و برق وزیرلیگیگه تیگیشلی بیش بویوک قرارداد دن یالغیزگینه بیر قرارداد نینگ ایگللشگه ایرانلیک بیر شرکت یوتوقگه ایریشگنینی معلوم قیلیب، بو یوتوق هم اونینگ ایسته گی بیلن بولمه گنینی ایتدی.

نهایتده بوگونکی یولگه قوییلگن استیضاح مجلسیده افغانستان سوو و برق وزیری محمد اسماعیل خان نینگ قه یترگن جواب لری، اولوسی جرگه ده گی ملت وکیل لرنی قناعت لنتیردی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.