BBC navigation

خلق ارا انسان حقلری کونیده کابللیک لر ناراضلیک نمایش یولگه قویدیلر

Сўнгги янгиланиш 10 декабр 2012 - 12:46 GMT

پایتخت کابلده انسان حقلریدن حمایت ایته یاتگن تشکیلات لر اعضالری خلق ارا انسان حقلری کونی مناسبتی بیلن یوللرگه چیقیب، جنایتچی لر محکمه گه تارتیلیش لرینی طلب قیلدیلر.

نمایشچیلر مملکت ده عدالت تامین بولس لیگینی ادعا قیلیب، جنایت لریگه قولی بولگن شخص لر محکمه بولمه گن لیک لریدن تنقید قیلدیلر.

ناراض شخص لر، قرینداشلری نینگ رسملرینی کوتاریب شعار بیرریدیلر. ناراض لیک یغین نی اویشتیرگن لرگه کوره، رسم لرده گی آدم لر ایچکی اوریش لر جریانیده هلاک ایتیلگن.

بوگونکی ناراضلیک نمایشده عیاللر قتله می کوپراق ایدی. ناراض شخص لر، هم افغانستان دولتی و هم خلق ارا هم جمعیت مملکت لرنی تنقید آستیده آلیب، جنایت چیلر محاکمه بولمس لیگی دن شکایت قیلدیلر.

شو نینگ دیک، 47 یاشیده بولگن عزت الله ناملی شخص هم بیر قنچه عایله اعضا لری ایچکی اوریش لرگه هلاک بولگنی اوچون، بوگونکی ناراضلیک نمایشده قتنه شگنینی ایته دی.

عزت الله، یالغیزلیک بیلن انسان حقلری نینگ ایاق آستی قیلگن لرنی محکمه گه تارته آلمسلیگینی ایتیب، لیکن ناراضلیک نمایش ده قتنه شگنی و شعار بیریشی بیلن اوزینی تینچ حس قیله دی.

" اوتمیش لرده هم قوراللی لر کوپ ایدی، هنوز هم اوشه قوراللی لر موجود. بیز هیچ بیر زمان اولر گه دردیمیز نی ایته آلمه یمیز. اولر بیز نینگ حیاتیمیزده گی قیینچیلیک لرنی جبران قیله آلمه یدی."

بو ناراضلیک نمایش لر فقط افغانستان وضعیتی باره سیده بولمه ی، بلکه بیر قطار ناراض شخص لر، ایران قماقخانه لری نینگ بیریده محبوس بولگن فعال عیاللردن، خانم نسرین ستوده صورتی هم نمایشچی لرنینگ قولیگه کوزه تیلریدی.

خود شو حالت لرگه قرگنده، اوزبیک سیاسی تحلیلچی محمد اشرف شریفی ایسه، افغانستان نینگ نیچه ییللک ایچکی اوریش لریده کینگ کولمده حصه قوشیب عادی فقرا قتل لریگه عیب لنگن اکثر شخص لر حاضرگی شرایطده دولت نینگ بلند مقاملی ملازمی صفتیده ایش آلیب باریشینی معلوم قیله دی.

افغانستانده اوتگن اوتیز ییل جریانیده یوزلب مینگ آدم عدالت گه ایشیته آلمه گنی ایتیله دی.

جنایت لرگه قولی بولگن شخص لر هم جزاگه تارتیلمه گنی ادعا قیلینه دی.

عین زمانده افغانستان حکومتی هم بو خصوصده کوچسیز بولیب قالگنی ایتیله دی.

اما بیر قنچه تحلیل چیلرنینگ معلوم قیلیش لریچه، بشر حقلری توغری سیده، اهالی، ینگی فکرگه ایگه بولیب، بو حق نینگ ایاق آستی بولیشیگه قرشی لیک کورسه تماقده لر. عین زماندن بو فکر افغانستانده گی عایله لری ایچیده هم انچه کوزه تیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.