BBC navigation

افغانستانلیک اوزبیک صنعت کارلر ایجادیاتی نیگه آز؟

Сўнгги янгиланиш 10 декабр 2012 - 13:00 GMT

سونگی ییللرده افغانستانلیک اوزبیک یاش ییگیت لری، مملکت اوزبیک صنعت کارلری قوشیقلری یانیده، اوزبیکستانلیک قوشیقچیلر قوشیق لرینی تینگلب تماشا قیلیشگه قیزیقیش لری کوپه یگن. بونگه اساسی سبب هم، افغانستان لیک قوشیقچی لر سانی آزلیگی همده بو بولیمده یخشی ایجادکار لر ییتیشیب چقمه گنلیگی ایتله دی.

باشقه تماندن، اوزبیکستانلیک صنعت کارلر سانی انچه کوپ بولیب، تورلی خیل قوشیق ایشله ب چیقاریش لری نه فقط افغانستان، بلکه دنیا اوزبیک لری اوچون اوته قیزیق کورینه دی.

حاضر، افغانستانلیک هر بیر اوزبیک اوزبیکستانلیک صنعت کارلرنینگ قوشیق لرینی جان و دل بیلن تینگله ب تماشا ایته دیلر.

بو گون هر بیر افغانستان لیک اوزبیک نینگ مبایلی همده کامپیوتریده اوزبیکستان لیک اشوله چی لرنینگ قوشیق لرینی کوزه تیش ممکن.

افغانستانلیک اوزبیک یاشلری مملکتده استقامت قیله دیگن اوزبیک آوازخوانلری نینگ آوازیده اوقیلگن قوشیق لرنی هم تنگلب تماشا ایته دیلر. لیکن اوشبو یاشلردن بیری افغانستانلیک اوزبیک اشوله چیلری نینگ اختیاریده ییترلی درجه ده زمانوی موسیقه اوسکونه لری بولمه گن لیگی اولرنینگ صعنت یولده قیین چیلک لرگه روپه قیلیب تورگن مساله لردن بولگن لیگینی تیلگه آله دی.

لیکن قطار یاش لر افغانستان اوزبیک لری ایچیده زمانوی قوشیق لرنی مرامگه ییتکزیب اجرا ایته دیگن لرنینگ سانی کوپ بولمه گنلیگی همده اوزبیکستانلیک آوزالرخوان لرنینگ موسیقی معیارلریده قوشیق اجرا ایتیشلری اوزلرینی اوزبیکستانلیک اشوله چیلرنینگ قوشیقلرینی دایم تنگلب تماشا قیلیشگه قیزیقترلگن لیگی نی تاکیدلیدیلر.

اوزبیک یاش ییگیت لری، هرچند افغانستانلیک اوزبیک صنعت کارلر نینگ سیویب قوشیق لرینی تماشا قیله دیلر، لیکن اولر اکثریتی نینگ ایجادیات لری آز لیگی همده قوشیق لری تقلیدی ایکنی دن شکایت قیله دیلر. خود شو مسئله گه قرگنده، اوزبیک ضیالی لری بو توغری ده تورلی خیل فکر بیلدیره دیلر.

اوزبیک یازوچی و ژورنالیست محمد کاظم امینی نینگ معلوم قیلیشیچه، افغانستان اوزبیک لری نینگ محلی قوشیق لری، تاریخ دوامیده تیریک سقله نیب کیلگن اما، کلاسیک یا مقام قوشیقی شو نینگ دیک هَوَس کار صنعتی اوتگن 20 ییل ایچیده کمه ییب بارگن.

امینی جنابلریگه کوره، بو مسئله گه ایسه افغانستان ده نیچه ییل دوام تارتگن ایچکی نزاع لر سبب بولگن.

اما امینی جنابلری اوزبیک صنعتی نینگ قیته دن تیکله نیشی اوچون اوزبیکستان بیلن بو ساحه ده مدنی همده فرهنگی علاقه لر مسحتکم له نیشی باره سیده علاحیده تاکیدلیدی.

افغانستان اوزبیک لری اوزبیک میز دیگنده، افغانستان و دنیا نینگ باشقه اوزبیک لری آره سیده هیچ قنده ی فرق بولمه گنلیگی نی تیلگه آله دیلر.

اما، مملکت ده استقامت قیله دیگن اوزبیک صنعت کار لر نینگ ایجادیات لری یخشی شکلده کوپه یشی، موسیقی مرکز لری ایجاد ایتیلیشی همده ینگی صنعت کارلرنینگ جامعه گه تقدیم ایتیلیشی، افغانستان لیک اوزبیک لرنینگ اساسی تیله ک لریدن حسابلنه دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.