BBC navigation

اوباما: فاجعه لی حرکتلر قرشی سیده ینگی چاره تدبیرلر کوریش کیره ک

Сўнгги янгиланиш 15 декабр 2012 - 09:54 GMT

اوتگن کون امریکه نینگ کانتیکت ایالتیده گی مکتبلردن بیریده روی بیرگن قانلی هجوم آرتیدن، امریکا جمهور رییسی باراک اوباما کیله جکده روی بیره دیگن شوکبی حادثه لر نینگ آلدی آلیشی اوچون جدی چاره ـ تدبیر کوریب چیقیلیشی نی سوره گن.

اوتگن کونگی هجومده نیوتاون شهریده گی مکتبده 20 ته باله و 6 کیکسه آدم حیاتی نی یوقاتگن.

امریکه جمهور رییسی نینگ ایتیشیچه، اونینگ مملکتی هر داییم شو سینگری هجوملر گه په روپه ره بولیب، فاجعه لی حادثه واقعه روی بیریشی آلدی آلینیشی اوچون اهمیتلی تدبیر کوریب چیقلیشی نی طلب قیلگن.

جمعه کونی نیوتاون شهری نینگ ساندی هوک باشلنغیچ مکتبیده روی بیرگن هجوم حقیده تفصیلات ترقه لیب تورگنی ایتیله دی.

پولیس حاضرگه قدر هجومچی شخص نینگ کیملیگی باره سیده رسمآ بیرار نرسه دیمه گن، اما امریکا اخبارات منبع لری دولت رسمیلری تیلیدن هجومچی 20 یشر آدام لان زام ایکنلیگی نی فاش ایتگن.

خبرلرگه کوره، او، مکتب گه هجوم قیلمسدن آلدین، اوییده آنه سی نی اولدیرگن ایکن.

گواه لر ، یوزگه یقین اوق سیسی ایشیتیلگنلیگی دن سونگ، فاجعه دن قاچیب اوزینی بلند دن تشله یاتگن باله لر گه گواه بولگنلر.

ایتیلیشیچه، مذکور مکتب ده هلاک ایتیلگن باله لر نینگ یاشی 5 دن 10 گچه بولگن.

اوتگن کونگی هجوم میلادی 2007 ییلده ویرجینیا بیلیم یورتی ده عملگه آشیریلگن هجوم دن سونگ، امریکا ده گی تعلیم درگاه لریدن بیریده اویوشتیریلگن اینگ قانلی هجوم حسابلنه دی.

ویرجینیا ده اویوشتیریلگن هجومده کمیده 32 کیشی حیاتی نی یوقاتگن ایدی.

پولیس گه کوره، اوتگن کون عملگه آشیریلگن هجومده 18 مکتب اوقووچی هلاک بولیب، ایکی اوقووچی هم شفاخانه گه آلیب باریله یاتگن چاغده حیاتی نی قولدن بیرگن.

هجومچی شخص هم هلاک بولگن. ایتیلیشیچه، او، هجوم دن سونگ، اوزینی اولدیریشگه قول اورگن، اما بوحقده هنوزگچه رسمی خبر ترقلمه گن.

اوشبو هجومده هلاک بولگنلرنی خاطره لش مراسمی نیویارک ده برپا ایتیلگن. واشینگتن ده هم یاقیلگن شمعلرنی کوترگن کمیده 200 آدم، آق اوی قرشی سیده توپلگنلر. اولردن بیرقطاری دولت دن امریکا ده قوراللردن فایده لنیش جریانی آلدی آلینیشی نی سوره گنلر.

"معنالی تدبیر"

اوتگن کونگی هجوم ینه بیر بار امریکا ده قورال لر نینگ آلدی ـ ساتدی سی گه تیگیشلی قاعده قانونلر باره سیده گی بحثلر باشله نیشی گه زمینه یره تگن.

باراک اوباما صورتگه آلاوچی کمیره لر قرشی سیده بیانات بیره یاتگن چاغده، کوز یاشی نی اریتیش اوچون بیر نیچه بار جیم قالدی: " بیز بیر مملکت صفیتیده، بو تجربه نی هر داییم نظردن اوتکزگنمیز" دیدیب ایتگن او.

باراک اوباما، "شوکبی هجوملر نی آلدینی آلیش اوچون سیاست نی اویاققه قوییب، بیر بیراویمیز بیلن کیلیشیب آلیشیمیز کیره ک.دیدی.

اوباما هجومده قربان بولگنلر نینگ عایله اعضالری بیلن اوچره شیب، قیغوداشلیک بیلدیردی.

دنیا بیرقطار مملکتلری نینگ رهبرلری هم اوتگن کونی روی بیرگن هجوم ده قربان بولگنلرنینگ عایله اعضالری بیلن اوچره شگنلر.

بیرلشگن ملتلر تشکیلاتی باش کاتبی بنکی مون، کانتیکت قوماندانلیگی گه مکتوب یوللب، قربانلر نینگ عایله لریگه قوچور قیغوداشلیک بیلدیرگن و حادثه نی وحشت دیه توصیفله گن.

آسترالیا باش وزیری جولیا گیلارد، هجوم نی "شیطانلیک همده معناسیز تدبیر" دیه توصیفله دی.

فرانسه جمهور رییسی فرانسوا اولاند باراک اوباما گه مکتوب یوللب، مذکور مکتبده عملگه آشیریلگن اوق اوزیش نی قاره له دی.

بیریتانیا باش وزیری دیوید کمرون هم، اوز باله لرینی قولدن بیرگنلر نینگ احوالی نی تصور ایتیش جوده آغیر ایکنلیگی نی بیلدیرگن.

ایران تشقی ایشلروزیرلیگی نینگ سوزلاووچیسی رامین مهمانپرست هم، امریکه ده روی بیرگن هجومده مکتب اوقووچیلردن ایریم لری نینگ اولگنی نی تسلیت ایتیب، حادثه دن افسوسلنگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.