BBC navigation

ننگرهار ده گی پارتله شده کمیده اون کیشی هلاک ایتیلگن

Сўнгги янгиланиш 17 декабр 2012 - 10:26 GMT

افغانستان نینگ شرقی حدودیده ماین پارتلشی نتیجه سیده کمیده 10 ته قیزباله هلاک ایتیلیب، باشقه ایکی ته سی یره لنگن. ننگرهار والیسی سوزلاوچیلریدن بیری نینگ ایتشیچه، مذکور قیزباله لر دله ده اوتین تیره یاتگن چاغلریده میان گه دوچ کیلگنلر.

رسمی منبعلرگه کوره، اولگنلرنینگ یاشلری 9 دن 11 گچه بولگن.

افغانستانده اوتگن بیر نیچه ییل مابینیده روی بیرگن جنگده، اوروش تمانلری بیر بیراولریگه قرشی ماینلر دن فایده لنگنلر.

خبرلرگه کوره، اوشبو حادثه ننگرهار چپرهار منطقه سی نینگ دولتزی قیشلاغیده روی بیرگن.

حادثه ده یره لنگن ایکی قیز باله نینگ احوالی آغیر ایکنی ایتیله دی.

عین حالده، کابل نینگ پولیسی، اوشبو شهری نینگ شرقی حدودی ده روی بیرگن پارتلش ده ایکی تینچ اهالی هلاک بولیب، باشقه بیر نیچه نفر یره لنگنی نی ایتگن.

پولیس جنایی تحقیقات اداره سی رییسی جنرال محمد ظاهر نینگ بی بی سی گه ایتیشیچه، مذکور حادثه ، کابل ـ جلال آباد یولیده آلدین دن اورنه تیلگن ماین پارتلشی نیتجه سیده یوز بیرگن.

ماین، ناتو و بیرقطار خارجی شرکتلر نینگ مرکزلری جایلشگن محل نینگ یقینیده پارتله تیلگن.

طالبان گروهی میدیا بیلن باغله نیب، حادثه مسوولیتینی اوز ذمه سیگه آلیب، اونده اولرنینگ بیر همکاری ماین دن توله بولگن بیر موترنی خارجی لر نینگ شرکتی نی نشان آلگنی نی ادعا قیلگن.

طالبان سوزلاووچیسی ذبیح الله مجاهد نینگ ایتیشیچه، اوشبو شرکت خوفسیزلیک ساحه لریده فعالیت آلیب بارر ایکن و شو سبب دن هجوم گه آلینگن. او، مذکور حادثه ده بیر نیچه خاریج عسکر وشرکت نینگ خادملریدن بیر تعدادی هلاک ایتیلگنی نی ایتگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.