BBC navigation

اوزبیکستان انترنت سایت لری افغانستان اوزبیک لرینی اوزیگه جلب ایتگن

Сўнгги янгиланиш 17 декабр 2012 - 12:37 GMT

افغانستان اوزبیک یاشلری، اوزبیکستان سایتلریدن کیره کلی کتابلرنی یوکلب مطالعه قیلیش لرینی ایته دیلر.

انترنت بوگونگی کونده افغانستان اوچون ینگی بیر ترماغ حسابلنه دی. بوندن بیر نیچه ییل آلدین انرنت دیگن نرسه نینگ اسمی همه نینگ آغزیده بولیب، نیمه لیگی و او بیلن قنده ی ایشلر بجریلیشی نی هیچ کیم بیلمس ایدی. حاضرگی کونده کابل شهرینی نظرده توتگن حالده، اوشبو شهر نینگ برچه ساحه لریده انترنت کلپ لر ایجاد ایتیلیب، قطار یاشلر هر کونی اوشبو ترماغدن فایده لنماقده لر.

افغانستانلیک اوزبیک لر، اوزبیکستان انترنیت صحیفه لریدن فایده لنیش لریدن تشقری انچه افغان اوزبیک لر، اوزبیکستان لیک لر بیلن اجتماعی ترماغ لر آرقه لی علاقه قوریب فکر المشتیریش لری نی بیان ایته دیلر.

یاش ییگیت اوزبیک شبیر احمد گه کوره، افغانستان دن پاکستان یا هندوستان کبی مملکت لرگه سفر قیلیش انچه قوله ی لیکن اوزبیکستان و شونگه اوخشه گن باشقه اورته آسیا مملکتلریده باریش انچه قیین لشیب کیتگن.

خود شو مسئله باعث، افغانستانلیک اوزبیک لر یالغیزگینه انترنت آرقه لی اوزبیکستانلیک لر یا که تاجکستان ویا باشقه قرغیزیستان و قزاقستان اوزبیک لری بیلن علاقه قورماقده لر.

افغانستان اوزبیک یاشلری نینگ معلوم قیلیشیچه، اولر اوز آنه تیلینی اورگه نیش اوچون، اوزبیکستان نینگ انترنت ده گی صحیفه لرینی آچیب اوقیدیلر.

افغانستان ده اوزبیک تیلیده انترنت سایتلری یوقلیگی، افغانستان اوزبیک لری نینگ اوزبیکستان سایتلرینی قیدیریشگه مجبورله گن.

اوزبیک ژورنالیست محمد عالم کوهکن افغانستانده اوزبیک تیلیده سایتلر یوقلیگیگه اساسی سبب افغانستان اوزبیک لری آره سیده سواد لی انسان لر سانی هم آزلیگیگه باغلیق بولیب قالگن لیکن او، افغانستان اوزبیک ضیالی لری تمانیدن انترنت ده بعضی بیر سایتلر آچیلیشی ممکنلیگی حقیده هم امید بیلدیردی.

مملکتده اوزبیک تیلی قانون گه رسمی تیل صفتیده کیریتیلگنلیگی دن سونگ، اوشبو تیل ده سوزله یاتگن اوزبیکلر، آنه تیلینی اورگه نیش و یازیش گه قیزیقماقده لر.

حاضر گی کونده اوزبیک یاشلری آنه تیلی ده گی کتابلر و مقاله لر نی فقطگینه اوزبیکستان نینگ انترنت ده گی سایتلری دن قولگه کیریته دیلر.

اوزبیک یاشلری انترنت ده کتابلرنی یوکلش و مطالعه قیلیش دن تشقری، دنیا اوزبیکلری بیلن علاقه اورنه تیش و اولربیلن دوست بولیشگه حرکت آلیب باره ماقده لر.

اولرگه کوره، انترنت بوگونگی کونده اولرنینگ هر بیر ساحه ده گی معمالری نی ایچیشگه یاردم قیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.