BBC navigation

افغانستان مهاجرلرینی اولکه گه قه یتریش اوچون سعی و حرکت لر کوچه یتیریلماقده

Сўнгги янгиланиш 18 декабр 2012 - 12:51 GMT

خلق ارا قاچقین لر اداره سی نینگ بیلدیریشیچه، مذکور اداره، میلادی 2002 نچی ییلی دن مخصوص بیر برنامه آرقه لی، 1400 افغان متخصص لرینی ایریم مملکت لردن افغانستانگه قه یتریب کیلتیرگن.

مذکور اداره مسوول لری خلق ارا قاچقین لر کونیدن نشانلش مراسمینی کابلگه یولگه قوییب، مذکور لایحه افغانستان بشری منبع لری نینگ مستحکم لش و رواجلنتیریشی اوچون یاردم بیره دی.

افغانستان قاچقین لر وزیری، جماهیر انوری گه کوره، کیله سی ییل اوچون افغان قاچقین لری نینگ وطن گه قه یتریش یولیده، ایککی مهم لایح اوستیده ایش جریانی بار.

خود شو لایحه نینگ عملگه آشیریش اوچون خلق ارا هم جمعیت مملکت لر ایککی ملیارد دالر یاردم بیریشی نی سوز بیرگن لیگی ایتیله دی.

خلق ارا قاچقینلر اداره سی افغانستانلیک متخصص لر نینگ اوز وطنلریگه قیته ریش برنامه سینی میلادی 2002 ییلدن بیری باشله گن.

بو افغان لر تورلی ساحله لرده خارجی مملکت لرده متخصص بولیب لیکن اوز ایسته ک لری بیلن وطن گه قه یتیش نی ایسته گن لردن عبارت.

خلق ارا قاچقین لر اداره سی نینگ افغانستانده گی رییسی مارکو باسو، مذکور لایحه آرقه لی یوزلب افغان اوز وطنی گه کیلگنی نی ایتیب، تورلی ساحه لرده دولت نینگ ایریم اداره لریگه ایشگه جذب ایتیلگنی نی معلوم قیلدی.

" اوتگن اون ییل جریانیده قریب 1400 افغانستانلیک متخصص لر، تورلی خارجی مملکت لردن اوز وطن لریگه قه یتریلیب کیلتیریلگن. بو لر آره سیدن 200 ته سی عیاللردن عبارت. بو قاچقین لر دنیا نینگ 35 مملکتی دن قه تیب کیلگن. بولر افغانستان نینگ 24 وزیرلیگی نینگ 31 ایریم بولیم لریده، همده 28 ولایت ده شو نینگ 75 نا دولت تشکیلات لرگه ایشله ماقده لر. بولرنینگ مهارتی دن افغانستان نینگ قه یته قوریلیشی اوچون تورلی ساحله لرده فایده لنیله دی".

جاپان مذکور لایحه نینگ عملگه آشیریشی اوچون اینگ بویوک یاردم بیروچی مملکت لردن حسابلنه دی. مذکور مملکت کابلده گی ایلچی سی نینگ اورین باسری اواکادا افغان متخصص لری نینگ افغانستانگه قه یتریب کیلتیریشی، مملکت نینگ بشری منبع لری نینگ مستحکم لش توغری سیده ایجابی تاثیر قوییشی ممکن لیگی نی بیلدیرماقده.

" بیر مملکت نینگ رواچلنیشی حقیقت ده بشری منبع لری نینگ کوچه یتریشی گه تیگیشلی. شو اوچون بیز خلق ارا قاچقین لر اداره سی نینگ قیلگن سعی و حرکت لری نی آلقیشله یمیز. چونکه، بو اداره کوپگینه افغانستانلیک لرنی اوز وطن لریگه قه تیش اوچون زمین یره تگن. افغانستان نینگ رواجلنتیریشی اوچون بونقه استعداد لرگه جدی احتیاج بار."

افغانستان دولتی همده خلق ارا هم جمعیت مملکت لری اوتگن 11 ییل دن بیری خارجی اولکه لرده استقامت قیله یاتگن افغانستانلیک لرنی اوز وطن لریگه کیلتیریش اوچون سعی و حرکت قیلماقده لر. بیراق، مملکتده گی موجود خوف سیزلیکلر همده ایش سیزلیک معما سی، افغانستان لیک لرنینگ اوز وطن لریگه قه یتیشی اوچون اساسی توسیق حسابلنه دی.

افغانستان قاچقین لر وزیری جماهیر انوری خارجی مملکت لردن افغانستانلیک قاچقین لرنینگ قه یتریب کیلتیریشی اوچون ایککی لایحه اوستیده ایشله یشی نی ایتیب، کیله یاتگن افغان لر اوچون ایش زمینه سی نی یره تیش توغری سیده هم سعی قیلییشی نی بیلدیرماقده.

باشقه تماندن، ایریم افغان لر، افغان دولتی و خلق ارا یاردم بیروچی مملکت لرنینگ قاچقین لر اوچون یولگه قویله یاتگن سعی و حرکت لرینی ییترلی ایمس ایکن لیگی اوستیده تاکید له یدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.