BBC navigation

افغان عیال پولیسی بیر امریکالیک نی اولدیردی

Сўнгги янгиланиш 24 декабр 2012 - 11:56 GMT

افغانستان رسمیلری، بیر عیال پولیس، کابل امنیه قوماندانلیگیگه، ناتو نینگ امریکالیک بیر مصلحت چی سینی آتیب اولدیرگنینی ایتگن لر.

جایی بولیمی باشلیغی جنرال محمد ظاهر بی بی سی بیلن بولگن صحبتیده، مذکور پولیس منصبی بولیب، امریکالیک مصلحت چی نی اولدیرگنی دن کیین اوشله ب آلینگن.

ظاهر جنابلری، مذکور عیال دن تحقیقات اوتکزیش جریانی ده بارلیگی نی هم معلوم قیلگن.

رسمیلرگه کوره، مذکور عیال طالبان بیلن علاقه سی بارلیگی احتمالی هم موجود.

ناتو کوچلری توئیتر صحیفه سیده مذکور امریکا لیک مصلحت چی نینگ هلاک ایتیلگنی نی تایید قیلیب لیکن مذکور شخص حربی سیز و قراردادی ایکنی نی معلوم قیلگن.

ناتو، هجومچی عیال، پولیس اعضا سی بولیب، بو قتل توغری سیده خلق ارا کوچلری پولیس بیلن بیرگه تحقیقات آلیب باریشینی هم ایتگن.

عین دمده ناتو نینگ ینه بیر عسکری مملکت شرقی حدودیده هلاک ایتیلگنی اعلام قیلینگن.

ناتو بیر بیانات ترقه تیب مذکور عسکر عصیانچی لر تمانیدن اولدیریلگنی نی ایتیب، لیکن اونینگ هلاک ایتیلگنی امریکا لیک مصلحت چی بیلن هیچ قنده ی علاقه سی یوق لیگینی هم بیلدیرگن.

اوتگن ییلی نینگ حوت آییده، امریکا لیک ایککی مصلحت چی افغانستان ایچکی ایشلر وزیرلیگی نینگ ایچیده اولدیریلگن ایدی.

ملی اردو و پولیس خادم لری، خارجی لرگه قرشی یولگه قوییلگن هجوم لر سانی کوپه ییب بارگن.

میلادی 2012 نچی ییلده 50 آرتیق خارجی حربی لری افغانستان خوف سیزلیک کوچلری تمانیدن آتیب اولدیریلگن.

اما سونگی واقعه ده بیر عیال امریکالیک مصلحت چی نینگ اولدیرگنی بیرینچی مرته کوزه تیلگن.

افغانستان حکومتی عصیانچی لر خوف سیزلیک کوچلری آره سیده کیرمس لیگی اوچون ینگی چاره تدبیرلر یولگه قویگنی نی ایته دی.

امریکا کوچلری، جاری ییل نینگ سپتامبر آییده، نیچه هجوم بیلن یوزمه یوز بولیشی بیلن، محلی پولیس کوچلری نینگ تعلیم بیریشی نی بیر مدت گه قدر تعلیق حالتیگه کیلتیرگن ایدی.

افغان خوف سیزلیک کوچلری ناتو تمانیدن تعلیم دن اوتکزیلیشی، مذکور کوچلر 2014 نچی ییلی ده افغانستان دن چیقیب کیتیشی دن آلدینکی اساسی برنامه لریدن حسابلنیشی ایتیله دی.

دوشنبه کونی یوزبیرگن باشقه بیر حادثه ده، شمالی جوزجان ولایتی قوش تیپه تومنیده محلی پولیس ضابطی آلتی نفر همکارینی آتیب تشله گن.

طالبان سوزچی سی نینگ بی بی سیگه ایتیشیچه، قوش تیپه تومنیده گی پولیسی انچه دن بیری طالبان ایاغچی سی بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.