BBC navigation

حمایه چیلر: متهم شخصلرگه حمایه چی آلیش معلومات بیرمسلیگی قانونگه قرشی

Сўнгги янгиланиш 26 декабр 2012 - 12:40 GMT

افغانستان حمایه چیلر اویشمه سی، حاضرگه قدر هم حمایه چیلر عدلی وقضای اداره لرده اوز اورنینی تاپمه گنینی ایتیب، عدلی وقضای اداره لرینی فسادگه باتگنیگه عیبله دی.

کابلده فعالیت آلیب باره یاتگن حمایه چیلر ایسه بوکونگی یغین لریده، نظارت خانه لرده اوشلب توریلگن عیبدار شخصلرنینگ قانونی حقلری عدلی وقضای همده پلیس و امنیت اداره لری تمانیدن ایاغ استی بولیب کیلینه یاتگنیدن شکایت قیلدی.

حمایه چیلرنینگ تحقیق جریانلریده ایزین بیریلمه گنی همده محبوس خانه لرده ایستگه گن پیتی کیریب باریب موکیللری بیلن صحبت قیلیشگه قادر بولمه گنی حمایه چیلرنینگ اساسی تنقیدلریدن عبارت ایدی.

حمایه چیلردن بیری حارث تکوین شونگه قوشیمچه قیلیب حمایه الیش اگاهی لیگی موکیللرگه بیریلمسلیگی پاره آلیش اوچون زمنیه یره تیش دیه فکر بیلدیردی:"قاره لاوچی اداره سیده ، اکثر قاره لوچی لری میز، پاره آلیش یاده باشقه عامللر باعث ، حبسگه بولگن شخصلرگه قوییب باریلشینگ اوچون سینگه یاردم بیره من دیب وعده بیره دی .اما هربیر محبوس نینگ مدنی حقی بولگن وکیل مدافع یا حمایه چی آلیش خصوصیده قاره لاوچیلرتمانیدن آگاهی لیک بیریلمیدی بو قانونگه قرشی بیرعمل."

اما افغانستان قاره لاوچی اداره سی عیبلنگن شخص لربیلن قانونگه ماس عمل بولیشینی اروغولب، حمایه چی الیش اوچون هم محبوسلرگه تولیق معلومات بیریله یاتگنینی ایتماقده.

عینی حالده افغانستان باش قاره لاوچی اداره سی نینگ معاونی عنایت الله نظری حمایه چیلرنی ناقانونی ایشلرگه قول اوره یاتگنیگه عیبلب چیقدی:"بولرنینگ ادعا لری مطلقا ناتوغری قانونی عمل قیلگنده اولرگه توسیق لیک یره تیلمیدی، لیکن بولر نظارت خانه لرده باره دی عیبدار شخصلر بیلن اوچره شیب، دوسیه سی باره سیده معلومات آلیب اولردن پول طلب قیله دی حتی فریبکارلیک قیله دی. قاضی قاره لاوچیلر اتیگه پول آله دیلر. تحقیق جریانیده اولرنینگ غیر قانونی ایستکلری قبول قیلینمیدی شوباعث حمایه چیلر بیز بیلن یخشی یانداشیلمیدی دیب شکایت قیله دیلر."

هرچند فساد افغانستان نینگ تورلی دولتی اداره لریده موجود لیگی ایتیله دی. اما عدلی وقضای اداره لرده فساد ارتیب باره یاتگنی کوپچلیک نی اساسی تنقیدیگه سبب بولگن. سونگی ییللرده ایریم قاره لاوچی وقاضی لرنینگ فساد گه عیبدارایکن لیگی هم نیچه مراتبه اشکار ایتیلگن. اما بو بیرینچی مرته دیرکه حمایه چیلر افغانستان عدلی وقضای اداره لرینی فسادگه باتگنیگه عیبلیدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.