BBC navigation

هراتده صلح اوچون بیر کونلیک کنفرانس یولگه قوییلدی

Сўнгги янгиланиш 27 декабр 2012 - 12:52 GMT

هرات مدنی قورلمه نماینده لری ، افغانستان پارلمانی ده هرات ملت وکیل لری ، ایریم دین عالم لری ، و محلی دولت ملازم لری قتنشکن بو کنفراس تنچلیک ملی استراتیژی لایحه سی نی تیارلشدی.

پایتخت کابل و مزارشریف شهرلریدن کین هرات اوچینچی شهر دیر که ملی تنچلیک استراتیژِی سی کنفرانسی اوتکزلدی .

بو کنفرانس، تنچلیک اوچون مدنی جماعه قوریلمه لری شبکه سی تمانیدن و آکسفام موسسه سی همکارلیگی بیلن یولگه قوییلگن.

مملکت ده تنچلیک اورنه تیلیشی اوچون مدنی جماعه ارگان لری نینگ مثبی رول وبرچی نیمه بولگنی بو کنفرانس نینگ اساسی مقصدی ایکنی نی افغانستان انسان حق لری و مدنی جماعه شبکه سی نینگ اجراییوی ریسی و اشبو کنفرانس قتنه شوو چی لریدن بیری نعیم نظری تاکید لیدی :"بو دستور ده افغانستان ده کین قمرولی تنچلیک تامین بولیشی اوچون بیر ملی استراتیژی قندای تیارلنیشی حقیده بحث ومداکره بوله دی، بو توغریده تورلیچه فکری طبقه لر گروپی شکل ده اوز نقطه ء نظرلری نی بیان ایته دی لر . یعنی بو فکری طبقه لر افغانستان مدنی جماعه سی نینگ تنچلیک تامین لنیشی اوچون اوینه یاتکان رول و عملی ایش لری نی کورب چقدیلر وبو بحث لرنتیجه وخلاصه سیدن بو استراتیژی تیارلنیب مملکت عالی تنچلیک کنگاشی گه یول لندی ."

2014 نچی ییلده خارجی حربی لرنینگ افغانستان دن چقب کیتیشی یقین له شیشی بیلن افغانستان کیله جه گی گه دایر تورلی فکری طبقه لرتمانیدن سعی و حرکت لر همده اورته گه قویلگن خیل مه خیل تصویر لرکون اوتیشی بیلن کوپیماقده.

افغانستان ده تنچلیک اورنه تیش مقصدیده یولگه قوییلگن بو کنفرانس قتنه شووچیلری، مدنی جماعه فعال لری نینگ بحث و مناظره لری دن کلیب چقه یاتکان خلاصه ، تیارلنیشی کوزده توتیلگن بیر ملی استراتیژی اوله راق افغانستان حکومتی تمانیدن قبول بولیشی کیرک ایکنی نی هم تاکید لیدیلر.

بوندن الدین کابل و مزارشریف شهر لریده یولگه قوییلگن وبوکون هرات ده اوتکزلگن بو کنفرانس کیله سی کون لرده مملکت نینگ باشقه ولایت لریده هم اوتکزلماقچی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.