BBC navigation

بدخشانده 12 باله کسل بولیب هلاک بولگن

Сўнгги янгиланиш 29 декабр 2012 - 12:27 GMT

بدخشان ولایتی نینگ محلی رسمیلری، مذکور ولایت درواز تومنیده، 12 باله، قره یوتل کسللیگیگه چلینب، هلاک بولگنینی خبر بیرگن.

محلی خادم لرنینگ بیلدیریشیچه، بدخشان ولایتیده سونگی کونلرده یاغگن قار نتیجه سیده، 12 تومن مرکزده گی یوللری بیلن باغلنیب قالگن.

بدخشان رسمیلری، قارگه قالگن لرگه یاردم ییتکزیش اوچون مرکزی حکومت دن جدی اعتبار قره تیشنی ایسته گن.

طبیعی آفت لرگه قرشی کوره شیش اداره سی، جاری ییل قیش فصلیده یخشی تیارگرلیک آلگن خبرنی اعلام قیلیش آرتیدن، بدخشان ولایتی نینگ درواز تومنیده 12 باله سینه بغل کسللیگیگه چلنیب هلاک بولگن.

بدخشان ولایتی حاکمی سوزچی سی محمد معروف راسخ بی بی سی بیلن بولگن صحبتیده، مذکور تومنده بیر گروه صحی خذمت ییتیشتیروچی هیئت بارگنی نی معلوم قیلماقده.

" بدبختلیک بیلن، قیش نینگ بو قهرتان پیتیده، بدخشان ولایتی درواز تومنی نینگ شوریان قشلاغیده، 12 باله قره یوتل توتیب هلاک بولگن. بو منطقه بیزنینگ بیر صحی گروهی میز بیر مقدار دارو بیلن ییتیب بارگن و هنوز گه چه، منطقه نینگ 350 باله سینی تداوی قیلگن. و وضعیت کنترول آستیده کیرگن."

باشقه تماندن نیچه کون دن بیری بدخشان ولایتی ده قار یاغیب، مذکور ولایت نینگ 12 تومنی مرکز بیلن باغلنیب قالگن.

راسخ جنابلری مذکور تومن لرنینگ بیر نیچه ته سی کیله سی تورت بیش آی گه قدر آچیلمس لیگی نی معلوم قیله دی.

قیش فصلی کیریب کیلیشی بیلن مملکت نینگ ایریم منطقه لریده قار یاغیب چیککه حدود لرنینگ یوللری مرکز بیلن باغلنیب قاله دی. اینیقسه مملکت شمالی و شمال شرقی بولگه لریده گی اهالی هر ییلی انچه قیین چیلیک لر بیلن یوزمه یوز بولیب، حتی کی تلفات بیریشگه هم مجبور بوله دیلر.

هرچند افغانستان حکومتی بوندن بیر نیچه کون مقدم خطرلر بیلن یوزمه یوز بولیشی کوتیله یاتگن منطقه لرگه صحی و آذوق آوقت خذمت لرنی ییتیشتیریب قویگنی نی معلوم قیلگن بولسه ده بیراق، منطقه ده گی اهالی و محلی رسمیلر، بو توغریده جدی راق کوز قره تیشی نی ایسته ماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.