BBC navigation

تورخم نینگ یاپلیشی سککیز کیشی هلاکتیگه سبب بولگن

Сўнгги янгиланиш 29 декабр 2012 - 10:45 GMT

پاکستان وافغانستان آرا سیده جایلشگن تورخم چیگره سی اوتگن کون پاکستان حربیلر تمانیدن باغله نیشی آرتیدن ایککی اولکه اره سیده گی باردی کیدیلرهم کیسیلیب قالگن. همده چیگره نینگ ایککی تمانیده سککیز افغان قربان بولگنی تصدیق لنگن.

اوتگن کون اوشبو چیگره نامعلوم سبب لر طفیلی باغلنگنی خبرقیلینیب چیرگه نینگ ایککی تمانیده یوزلب افغانلر کوتیب قالگنی ایتیلگندی.

عینی حالده پاکستان پلیس خادملری تمانیدن ایریم افغان لر کلتکله نیب حتی کی اولرنینگ کیم لیک حجت لری هم یرتیب تشلگنی خصوصیده خبرلر یوزه چیققن ایدی.

افغانستان شرقیده گی چیگره قوریقچی پلیس کوچلری سوزچیسی مومند جنابلری بی بی سی بیلن بولگن صحبتیده ایککی کوندن بیری دوام تارتیب کیله یاتگن شوندی وضعیت ده اوچ باله قربان بولگنینی تصدیق له دی.

عینی حالده مومند جنابلری ملی امنیت خادملری تمانیدن بیریلگن معلومات لر اساسیده ینه تورت باله وبیر عیال هم وفات ایتگنینی معلوم قیلدی.

رسمی معلومات لرگه کوره پاکستان حکومتی تورخم چیگره سی نینگ بوگون ایرته لب آچیلیشینی سوزبیرگن ایکن ، بیراق حاضرگه قدر هم اچیلمه گنی ایتیلیب، یوزلب افغان وطنداشی چیگره نینگ ایککی تمانیده کوتیب تورگنی ایتیلماقده.

شونینگ دیک تورخم یاپلیشی باعث نه فقط انسانلربلکه ییملیک و تورلی خیل متاع یوکلنگن موترلرهم توختب قالگنی ایتیله دی.

افغانستان بویلب منطقه معیارلریگه ماس کسلخانه لر بولمه گنی باعث کوپلب افغانستانلیک لر اوزلرینی دوالش اوچون پاکستانگه سفر قیله دی. همده اکثری تجاری متاع لر هم پاکستان دن کیلتریله دی.

افغان رسمیلری تورخم نینگ اساسی عامل نیمه بولگنینی بیلیش اوچون تیکشرو ایشلرنی باشله گنینی ایتگن بیراق حاضرگه قدرهم پاکستان تمانیدن انیق قندی دیر جواب قولگه کیرتمه گنینی ایتگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.