BBC navigation

قندهار هوا قونالغاسیگه قونگن اوچاق باره سیده تحقیقات ایشی باشلنگن

Сўнгги янгиланиш 31 декабр 2012 - 12:58 GMT

افغانستان ریاست جمهورلیک سرای ایکی کون آلدین قندهار هوا قونالغاسیگه قونگن اوچاق باره سیده تحقیقات ایشی باشلنگنیدن خبربیریب، مذکور اوچاق غیرقانونی قونگنینی معلوم قیلگن.

ایکی کون آلدین خصوصی بیر اوچاق افغانستان جنوبیده جایلشگن قندهار قونالغاسیگه قونگن ایدی. افغانستان ریاست جمهورلیک سرای مذکور اوچاق قونیشی غیری قانونی بولگنینی اورغولب شو باعث هم ملی امنیت شورا سیگه تحقیقات الیب باریش بویوروغینی بیرگن.

ریاست جمهورلیک سرای تمانیدن بیریلگن بیرینچی معلومات لرگه کوره، بو اوچاقده بولگن شخص لر ولایت حاکملریدن بیری بیلن اوچره شیش نیتیده کیلگن، لیکن نامعلوم دلیللر باعث اولرنی اوچاغی قندهار هوا قونالغاسیگه کیلیب قونگن.

شونینگدیک ریاست جمهورلیک سرایدن بیریلگن معلومات لرگه ماس بو شخص لر افغانستان ویزه سیگه ایگه بولیب هوا قونالغاسیگه توشگنیدن سونگ قونالغا مسووللریدن بیری تمانیدن مهمانخانه گه الیب کیتیلگن.

اوز اسمینی ایتیشیدن باش تارتگن قندهار رسمیلریدن بیری بی بی سی بیلن بولگن صحبتیده اوشبو اوچاق قطر دن اوچیب اوچاق ده تورت کیشی، بیر عرب، ایکی پاکستانلیک و بیر هند وطنداشی بولگنینی ایتگن.

قندهار هوا قونالغاسی امریکالیک حربیلری نظارتیده بولیب لیکن اولر حاضرگه قدرهم بوخصوصده قندی دیر فکر بیلدیرمه گن.

آریانا هوای شرکتی نینگ مسووللری ایسه قندهار پلیس قوماندانی دستوری اساسیده اولرگه دوبی اوچیش تکیتینی بیرگنینی ایتگن. لیکن نامعلوم سبب باعث قندهارگه کیلگن شخصلر دوبی اوچگن لیکن اوچاق قالگنی ایتیله دی.

قندهار ولایتی نینگ ولایت حاکمی سوزچیسی طیاره نی قونیشی اوچون کابل مقاملری تمانیدن بویوروغ بیریلگنینی ایتگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.