BBC navigation

افغانستانده یوتیوب ترماغی آچیلدی

Сўнгги янгиланиш 5 январ 2013 - 12:42 GMT

یوتیوب ترماغی توقیز آی بیکار ایتیلیشی دن کیین قیته دن افغانستانده آچیلدی. بوندن بیر مدت آلدین اسلام پیغمبری حضرت محمد"ص" گه اهانت بولگن بیر فلم یوتیوب گه ترقه تیلیشی بیلن، افغانستان حکومتی مذکور اجتماعی ترماغ نی باغله ب قوگن ایدی.

مملکت مخابرات وزیرلیگی بی بی سی بیلن بولگن صحبتیده، یوتیوپ ترماغی اخبارات و مدنیت وزیرلیگی نینگ بویروغی اساسیده آچیلگنی نی معلوم قیلگن.

انچه طرفداری بولگن یوتیوب ترماغی، تورت کون دن بیری، افغانستانده قیته دن فعال بولگن. اما مذکور خبر شونده ی بیر حالتده رسانه لرگه اهمیتلی بولدی کی، افغانستان اخبارات و مدنیت وزیری سید مخدوم رهین یوتیوب آچیلگنینی فیس بوک آدرسیدن خبر بیردی.

مخابرات وزیرلیگی نینگ مقاملریدن بیری عبدالمالک نظری بی بی سی بیلن بولگن صحبتیده، یوتیوپ آچیلیشی مدنیت و اخبارات وزیرلیگی نینگ بویروغی اساسیده عملگه آشیریلگنینی معلوم قیلدی.

" یوتیوب نینگ آچیلیشی ویا یاپیلیشی افغانستان ملی خوف سیزلیک کینگاشی و اخبارات و مدنیت وزیرلیگی نینگ بویروغ لریگه تیگیشلی. مخابرات وزیرلیگی یاغلیزگینه خود شو بویروغ لر اساسیده فعالیت قیله دی. یعنی، تخنیکی ایشلری مخابرات وزیرلیگیگه باغلیق. یوتیوب ده گی محتویات لر مدنیت و اخبارات وزیرلیگیگه علاقه لی موضوع. بو تلویزیون، رادیو ویا بیران ویب سایتده بولیشی ممکن. و قرار آله یاتگن هم خود شو وزیرلیک. شو اوچون بو وزیرلیک یوتیوب آچیلیشی گه تصمیم آلدی."

یوتیوب دن فایده لنه یاتگن لر هم بو ترماغ آچیلیشی دن خرسند لیک بیلدیره دیلر.

افغانستان دولتی، جاری ییل ثور آیی ده یوتیوب ده اسلام پیغمبریگه اهانت بولگن فلمی ترقه تیلیشی بیلن مذکور ترماغنی باغلب قویدی.

شو مدت ده فیس بوک ده گی بیر قنچه فعاللر، یوتیوب آچیلیشی اوچون کمپیان قیلیب یورگن ایدیلر. اما یوتیوب ترماغی افغانستانده آچیلیشی افغانلرنی خرسند قیلگن. مذکور حرکت فیس بوک ده گی لرنینگ آلقیشیگه هم سزاوار بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.