BBC navigation

دولت نینگ یوقاری مرتبه لی خادم لری گه مادام العمر امتیاز لازم می؟

Сўнгги янгиланиш 10 январ 2013 - 13:09 GMT

افغانستان پارلمانی، جمهور رییس، اورین باسرلری همده مملکت محکمه اعضالری نینگ مادام العمر دولت نینگ امتیازلریدن برخوردار بولیش لایحه سی اوستیده بحث آلیب بارماقچی.

مذکور طرح نی پارلمان تایید قیلیشی بیلن، قانون شکلده کیرتیله دی.

اولوسی جرگه اداری هیئت اعضاسی عبدالستار خواصی بی بی سی بیلن بولگن صحبتیده، مذکور طرح نینگ بعضی جای لریده قرشلیکلر بارلیگی نی معلوم قیله دی.

" اگر بو شخص لر ایشلری توگگنی بیلن باشقه بیر وظیفه بیلن شغللنسه لر، مادام العمرده گی امتیازلردن بهره مند بوله آلمه یدیلر. بو قره مه قرشی بیر موضوع. ایککینچی مهم موضوع بو دیر کی بولر گه اجره تیلگن آیلیک پول انچه کوپ. شونده ی بیرحالده افغانستان اولوسی جرگه سی خلق منفعتیده قرار آله دی نه شخص منفعتی اوچون.

حکومت نینگ ینگی طرحی ده جمهور رییس ایشی توگه یشی بیلن قریب اون مینگ دالر، اورین باسرلری بیش مینگ دالر کوپراق، محکمه رییسی تورت مینگ دالر دن کوپراق و اعضالری ایسه قریب تورت مینگ دالر آیلیلیک آلیشلری بیلگی لنگن.

اوی کرایه سی، دسترخان خرجتی و قوریقچی خرجتی هم مذکور طرح نینگ باشقه مهم امتیازلردن حسابلنه دی.

مذکور عالی مرتبه لی دولت خادم لرنینگ مادام العمر امتیاز آلیش لایحه سی توغری سیده مملکت باش قانونی نینگ نظارت ایتووچی کمیسیونی باشلیغی گل رحمان قاضی بونده ی آچیقله یدی:

" بو مسئله مملکت ده شفاف بیر اداره اورنه تیش اوچون مهم ضرورت لردن حسابلنه دی. همده منفی یوللر دن قولگه کیله یاتگن دارایی لرنینگ آلدینی آلیشی اوچون هم مهم بیر مسئله دیر."

لیکن دولت نی تنقید قیله یاتگن لر حکومت نینگ مذکور ینگی طرحی باره سیده جدی اظهارات لری بار.

بو تنقید چیلر، دولت نینگ یوقاری مرتبه لی خادلری آله یاتگن آیلیک لری بیلن حاضر گی سرمایه لری تیکشیریلیشی اوستیده تاکید قیله دیلر.

حقوق دانلردن ستار سعادت بو توغریده بونده ی ایضاح له یدی:

" بولر آله یاتگن آیلیک لری اساسیده دارایی لری محاسبه بولسین. بلند مقاملر وقت لری آز لیکن عایله اعضا لری اقتصادی فعالیت لرینی ایلگری ایلته دیلر و حاضر یوزلب ملیون دالر سرمایه لری بار. بونی سوره ش کیره ک کی بو مقدار پول نی قنده ی قیلیب قولگه کیلتیرگن لر؟ ".

هر بیر مملکت یوقاری مرتبه لی خادملری نینگ آله یاتگن امتیاز لری اوشه مملکت قانون لری اساسیده بیریله دی. مثال شکلده، تورکیه باش وزیری و اورین باسرلری، مادام العمر آیلیک دن برخوردار. پاکستانده مادام العمر آله یاتگن آیلیکنی عالی محکمه قاضی لری قولگه کیریته دیلر و افغانستان ده جمهور رییس.

باشقه تماندن، مذکور لایحه حکومت تمانیدن مملکت پارلمانیگه یوباریلیشی دن کیین، اولوسی جرگه اعضا لری نینگ بیر قسمی ملت وکیللر آیلیک لری و امتیاز لری کوپه یشی نی هم ایسته ماقده لر.

خود شو مسئله توغری سیده اولوسی جرگه ینگی بیر طرح توزه تیب مالیه وزیرلیگیگه هم یوبارگن.

اما بو کی حکومت همده پارلمان اعضا لری نینگ مذکور ایسته ک لری قنده ی و قچان عملی بوله دی، زمان اوتیشی بیلن معلوم بولیشی کوتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.