BBC navigation

کرزی و اوباما آره سیده آلینگن قرارلرگه موافقت و قرشیلیک لر هم کورسه تیلماقده

Сўнгги янгиланиш 12 январ 2013 - 12:40 GMT

افغانستان مدافعه وزیرلیگی، حامد کرزی و باراک اوباما آره سیده یولگه قوییلگن موافقت لردن آرقه داشلیک بیلدیرگن.

افغانستان و امریکا جمهور رییس لری تیناون، امریکالیک لر تیزلیکده حربی عملیات مسوولیت لرنی افغانلرگه تاپشیریشی اوستیده بحث آلیب باردیلر.

اما حکومت سیاستی گه قرشی بولیب فعالیت قیله یاتگن سیاسی گروه لر، مذکور موافقه لر توغری سیده قرشی لیک کورسه تیب، افغانستان ده تینچ سیزلیک لر کوپه یشی دن خواطر اظهار ایتماقده لر.

امریکا نینگ حربی عملیات لری کیله سی ییل نینگ بهار فصلیده توگه یشی خبر آرتیدن افغانستان مدافعه وزیرلیگی، برچه حربی مسوولیت لرنی اوز ضمه سیگه آلیشیگه تیار ایکنی نی اعلام ایتدی.

مذکور وزیرلیک مقام لریگه کوره، حاضر برچه حربی عملیات لر پلان لری و رهبریتی افغان لر تمانیدن عملگه آشیریلماقده.

مذکور وزیرلیک سوزچیلریدن جنرال دولت وزیری، آغیر قوراللر و هوایی بولیمی نینگ مستحکم لش اوچون حاضر دن جدی شکلده ایشلر جریانی بارلیگی نی اورغوله گن.

شونده ی بیر حالده بیر قنچه پارلمان اعضا لری و سیاسی گروه لر کرزی و اوباما آره سیده یولگه قوییلگن موافقت لر گه خرسند ایمس ایکن لیک لری نی بیان ایته دیلر.

ائتلاف ملی گروهی هم کرزی نینگ قیلگن بحثلری نتیجه سیز ایکنینی ایتیب افغانستان اوچون ایجابی فایده ایتکزه آلمه یشی نی معلوم قیلماقده.

مذکور گروه سوچی سی فاضل سانچارکی:

" هنوز افغان کوچلری یککه لیکگه حربی عملیات لر نینگ طرح قیلیشگه قادر ایمس. چونکه طرح و پلان قیلیش، و باشقه تخنیکی گپ لر نی اورگنیشی توغری سیده افغان کوچلری انچه یاردم لرگه احتیاجی بار."

امریکا 60 مینگ حربی سی نینگ کوپ قسمی نی 2014 نچی ییل دن کیین افغانستاندن چیقاریشی نی معلوم قیلگن.

اما جمعه کونیده باراک اوباما افغان همکسبی بیلن یولگه قویگن مطبوعات انجمنیده، " کیله سی بهار دن بیزنینگ افغانستانده گی مأموریتی میز فرقلی بوله دی دیب اعلام ایتدی.

اوباما، تعلیم بیریش، مصلحت و افغانستان کوچلری گه یاردم بیریش ایشلریمیزدن بوله دی دیب هم معلوم قیلدی.

اوباما مذکور تصمیم عملی بولیشی بیلن افغانستان خود مختارلیک گه یول تاپه دی دیب هم ایتدی.

اوباما جنابلری 2014 نچی ییل دن کیین امریکا لیک حربی لر افغانستان ده قضایی مصوونیتی بیلن بیرگه قالیش لری ممکن لیگی نی هم تیلگه آلگن.

عین زمانده حامد کرزی طالبان اوچون قطرده دفتر آچیلیشی و او ییرده مذاکره لر آلیب باریشی دن حمایت قیلگن.

" بیز طالبان اوچون قطر نینگ دوحه شهریده بیر دفتر آچیلیشی توغری سیده توافق قیلدیک. او ییرده طالبان صلح عالی کینگاشی نینگ نماینده لری بیلن مستقیم شکلده مذاکره قیلیشگه قتنه شه دیلر. او ییرده بیز، افغانستان قضیه لریگه دخیل مملکت لر جمله دن پاکستان یاردمی نی ایسته یمیز. دوحه ده بیز و امریکا قوشمه ایالت لری و باشقه متحد لریمیز افغانستان ده زود لیکگه تینچلیک نی اورنه تیش اوچون سعی قیله میز."

بیر قنچه امریکا لیک حربی لر، افغانستانده 6 مینگ دن تا 15 مینگ عسکرلری عصیانچیلر بیلن مقابله قیلیش مقصدی بیلن قالیش لری نی ایسته گن لر. شونده ی بیر حالده جمهور رییس اوباما، مذکور پیشنهاد نی جدی شکلده تیکشیریب قرار بیریشی نی معلوم قیلیب قویگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.