BBC navigation

وردکگه 7 عادی فقرا هلاک ایتیلدی

Сўнгги янгиланиш 13 январ 2013 - 11:54 GMT

کابل غربیده جایلشگن میدان وردگ ولایتیده یوز بیرگن بیر پارتله ش عاقبتیده، 7 حربی سیز انسان هلاک بولگن و ینه بیر کیشی یره لنگن.

مذکور پارتله ش، اهالی بیر مسجد ایچیده هلاک ایتیلگن تورت عصیانچی نینگ چیقاریش پیتیده یوز بیرگنی ایتیلگن.

طالب عصیانچیلری و خارجی کوچلری آره سیده گی اوریشلر بیر عصیانچی خارجیلر تمانیدن اوشله ب آلینگنی آرتیدن باشلنگن.

میدان وردک حاکمی نینگ سوزچیسی شاهدالله شاهد گه کوره، خارجی و افغان کوچلری وردک نینگ حسن خیل منطقه سیگه کیریش لری بیلن، بیر مسجد ایچیدن عصیانچیلر هجومی بیلن یوزمه یوز بولگن لر.

شاهد نینگ معلوم قیلیشیچه، مذکور اوریش ده تورت عصیانچی هلاک ایتیلگن.

وردک حاکمی نینگ سوزچیسی شونگه قوشیمچه قیلیب، اهالی مذکور اوریش دن کیین، هلاک ایتیلگن عصیانچی لرنی مسجد دن چیقاریش پیتیده بیر پارتله ش یوز بیریب، نتیجه ده 7 عادی فقرا هلاک بولگن و ینه بیر کیشی ایسه یره لنگن.

اما منطقه یشاوچیلری نینگ بیریگه کوره، مذکور منطقه نیچه کون دن بیری پیلوت سیز اوچاق لرنینگ نظارتی آستیده ایدی.

مذکور شخص نینگ معلوم قیلیشیچه، اولگن نفر لر خارجی کوچلر نینگ هوایی هجومی نتیجه سیده هلاک ایتیلگن.

"بولر بمارد قیلیب اوچ نفر نی مسجد ایچیده شهید ایتدیلر. و قریب اون یا اون بیر نفر نی اوی لریدن چیقاریب هلاک ایتگن لر. بولر آره سیده اوچ عیال هم بار. حاضر بیزنینگ 14 نفر شهیدیمیز بار و تورت کیشی هم یره لنگنی میز بار."

ناتو کوچلری بیر بیانات ترقه تیب، هوایی هجوم یولگه قوییلگنی نی رد ایتگن اما مذکور اوریش ده تورت عصیانچی طالب و بیر افغان عسکری هلاک ایتیلگنی نی مذکور عملیاتده تایید قیلگن.

ناتو گه کوره، مذکور عملیات نتیجه سیده، پارتلاوچی ماده لر همده قورال یراق بیر ذخیره گاهی نینگ کشف قیلیب، اورته دن ایلتیلگن.

ناتو نینگ مذوکور بیاناتی ده، عادی اهالی نینگ اولیب یره دار بولگنی دن خبری بارلیگی نی ایتیب، مذکور حادثه نینگ انیق لش اوچون افغان رسمیلری بیلن بیرگه تیکشیریش ایشلرنی یولگه قوییشی دن خبر بیرگن.

شونده ی بیرحالده طالبان گروهی ایککی اعضا سی مذکور مسجد حضوری بولگنی نی تایید قیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.