BBC navigation

افغانستان ملی امنیت اداره سی قرشیسیده انتحاری هجوم یوزبیردی

Сўнгги янгиланиш 16 январ 2013 - 08:24 GMT

افغان خوف سیزلیک مقالری نینگ معلوم قیلیشیچه، پایتخت کابلده یوز بیرگن بوگونکی خودکش لیک هجوم نتیجه سیده، اینگ آز اوچ کیشی هلاک بولیب، قریب اوتیز کیشی هم یره دار بولگن.

ایچکی ایشلر وزیرلیگیگه کوره، مذکور حادثه ده قربان بولگن لرنینگ اکثریتی عادی فقرا بولگن.

بوگونکی خودکش لیک هجوم نتیجه سیده خوف سیزلیک اداره سی نینگ اوچ خادمی هلاک بولگنی تایید بولگن.

عینی شاهد لردن بیریگه کوره، بوگون توشده کابل مرکزیده یوزبیرگن خود کش لیک هجوم انچه کوچلی ایدی. ینه بیر شاهد، مذکور هجوم اوییشتیریلیشی بیلن منطقه ده گی آدم لر قاچیش گه باشلگنلیگینی اظهار ایته دی.

خود کش لیک روی بیرگن منطقه اطرافیده، دولت نینگ نیچه مهم مرکزی لری جمله دن، وزیرلر کینگاشی، ملی امنیت اداره سی، کابل حاکمی جایلشگن.

کابل امنیه قوماندانی جنرال ایوب سالنگی نینگ معلوم قیلیشیچه، مذکور هجوم بیش کیشی لیک بیر عصیانچی گروه تمانیدن عملگه آشیریلیشی ریجه لنگن ایدی.

" ساعت 12 اطرافیده بیش کیشی لیک عصیانچی بیر گروه تونس موتریدن فایده لب، ملی خوف سیزلیک اداره لری نینگ بیریده اوز لرینی پارتله تماقچی ایدیلر. بیرینچی هجومنی یولگه قویگن لریدن کیین، خوف سیزلیک کوچلر بولرنی اولدیره دیلر. و جسد لری هم ساحه ده بار. شو نینگ دیک پارتلاوچی ماده لر جایلشتیریلگن بیر موتر لری اگر ده اوچ دقیقه گه چه خوف سیزلیک کوچلری تمانیدن تیکشیریلمسه ایدی، ینه کوچلی بیر پارتلش یوز بیریشی ممکن ایدی. خوش بخت لیک بیلن مذکور موتر ده گی پارتلاوچی ماده لری خنثی بولدی".

سالنگی جنابلری شونگه قوشیمچه قیلیب، بیر انتحارچی، خودکش لیک هجوم نی اوییشتیریشگه قادر بولگن لیکن قالگن ینه تورت کیشی سی خوف سیزلیک کوچلری تمانیدن آتیب اولدیریلگنینی بیان ایته دی.

خودکشلیک هجوم، خوف سیزلیک اداره سی دروازه سی نینگ یقینیده یولگه قوییلگنی اوچون، مذکور منطقه اطرافی پولیس کوچلری تمانیدن محاصره بولیب اوتیب قیته یاتگن کیشی لر یوزیگه باغله نیب قوییلدی.

شونده ی بیر حالده طالبان گروهی بیر بیانات ترقه تیب، مذکور هجوم مسوولیتی نی اوز ضمه سیگه آلگن.

طالبان تمانیدن ترقه تیلگن بیاناتده، بوگونکی هجوم دن اساسی مقصد هم خوف سیزلیک اداره سی بولگنی انیقلنگن.

کابلده یوز بیرگن بوگونکی خود کش لیک میلادی 2013 ییلیده گی بیرینچی عصیانچیلیک هجوم حسابلنه دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.