BBC navigation

افغانستان نینگ 1392 ییلی بودجه سی تصدیق لندی.

Сўнгги янгиланиш 20 январ 2013 - 12:45 GMT

افغانستان پارلمانی بودجه نی اوچ مرته رد قیلگندن کیین تصدیق له گن .

اولوسی جرگه اکثریت آواز بیلن 1392 قویاش ییلی بودجه سینی تصدیق له دی. ملی بودجه توزان سیزلیک و کابل بانک انقراضی و ریاست جمهورلیک سرای اوچون کوپ مبلغ اجره تیلگنی باعث ایککی مرته رد ایتلگن ایدی لیکن بوساحه لرده اونچه لیک اوزگریش کیلمه یشگه قره مسدن ملی بودجه اولوسی جرگه تمانیدن اوچینچی مرته ده تصدیق لندی. اما بودجه نینگ نهای لایحه سیده ایککی پروزه اوچون فقط بیریریم ملیون دالر اختصاص لشتریلگن و خلاص

اولوسی جرگه نینگ عمومی یغینی باشله نیشی بیلن مالیه وزیری حضرت عمرزاخیل وال مجلس گه کیلیب، خلق وکیللری نینگ بودجه لایحه سی باره سیده گی تکلیف و ملاحظه لری حقیده ایضاح بیردی. معلومات لرگه کوره بودجه لایحه سیگه کیلگن اوزگریش لر زابل ولایتی نینگ هوا قونالغاسی قوریلیشی وغزنیده بیر یول قوریش اوچون فقط بیریریم ملیون دالر اجره تیلگن.
زاخیل وال جنابلری بودجه احتیاجلیک لر اساسیده ایمس بلکه حکومت نینگ امکانیت لری اساسیده تیارلنگنی حقیده تاکیدله دی.
مالیه وزیری تمانیدن بیریلگن معلومات لر آرتیدن، بودجه لایحه سی آواز گه قوییلدی
بودجه لایحه سی بوندن الدین ایککی مرته مجلس تمانیدن رد ایتیلدی. جمهورریس لیککه اجره تیلگن بودجه میزانی یوقاریلیگی، همده کابل بانک بحرانینی حل ایتیش اوچون اجره تیلگن یتمیش میلیون دالر و بودجه تینگ سیزلیک روشده تقسیم لشتریلگنی اونینگ رد ایتیلیشیگه اساسی سبب دیب کورسه تیلگن ایدی.لیکن اعتراض بیلن چیققن ایریم ملت وکیللری بودجه نینگ اساسی کمچلیکلری هلی هم حل بولمه گنینی تنقید له ماقده. 1392. ییل بودجه سی 7 میلیارد دالردن عبارت بولیب شو جمله دن، 3.7 میلیارد دالری وراجلنتریش و 3.2 میلیارد دالری ایسه عادی بودجه بولگن. مالیه وزیرلیگی نینگ ایتیشچه اوشبو بودجه دن 46 فایزی خارجی یاردملر و 54 فایزی ایچکی منبع لر تمانیدن تامین لنگن. بودجه لایحه سی مجلیس اعضالری نینگ قیش تعطیلاتیدن الدین، تصدیق لندی. مجلیس نینگ اداری هیاتی گه کوره ایرته دن باشلب ملت وکیللری جاری ییل حوت ای نینگ 15. سیگه چه تعطیلات گه کیته دی. اوندن سونگ کابینه نینگ اون بیر وزیری نینگ استیضاح مسله سی باشله نیشی ممکن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.