BBC navigation

بیرلشگن ملت تشکیلاتی: افغانستان قماقخانه لریده کینگ کولمده قیناق موجود

Сўнгги янгиланиш 21 январ 2013 - 09:15 GMT

بیرلشگن ملتلر تشکیلاتی بیر گزارش نشر ایتیب افغانستان نینگ قماقخانه لریده کینگ مقیاسده قیناق اوتکزیله یاتگنی دن خبر بیرماقده.

اوشبو تشکیلات نینگ ایتیشیچه، شوکبی گزارش نشر ایتیلیشی گه قره مه ی، افغانستان نینگ قماقخانه لریده 2011 ییلده هم قیناق اوتکزیلگنی دن خبر بیریلگن ایدی.

635 محبوس بیلن صحبت عملگه آشیریلگن اوشبو گزارشده، محبوسلر قیناقلنگنی و یاهم اولر بیلن قوپال یانده شیلگنلیگی معلوم قیلینگن.

اما افغانستان دولتی گزارشده گی معلومات نی بیر مبالغه دیه تاکیدله گن.

آیساف کوچلری سونگی پیتده قماقخانه لرگه آلیب باریله دیگن محبوسلر نی آلیب باریش جریانی نی کیچیکتیرگن.

بیرلشگن ملتلر تشکلاتی نینگ افغانستان ده گی یوناما اداره سی تمانیدن تیارلنگن اوشبو گزارشده، افغانستان ملی خوفسیزلیک همده ملی پولیسی نینگ قماقخانه لریده محبوسلر وضعیتی نی 2011 دن 2012 ییلی نینگ اکتوبر آیگچه تیکشیروگه آلینگن.

اوشبو گزارشده 14 نوع قیناق قید ایتیلگن، جمله دن ناتوغری یانده شیش، کلتکلش، تهدید؛ قیناق و جنسی زورلش حالتلری کورستیلگن.

شونینگ دیک، ایریم حالتلرده محبوسلر نی اعتراف گه مجبورلش اوچون اولرنی برق قوه سی بیلن قیناقله گن.

مذکور گزارش گه بنآ، افغانستان نینگ پولیس کوچلریگه تیگیشلی تورمه لرده قیناق و ناتوغری یانده شیش اوتگن 12 آی ایچیده 35 فایزدن 43 فایزگه آشگن.

اما اوشبو حالتلر افغانستان نینگ ملی خوفسیزلیک اداره سیگه قره شلی تورمه لریده انه شو مدت ایچیده 46 فایز دن 34 فایز گه آزیتیریلگن.

یوناما نینگ ایتیشیچه، افغانستان نینگ بی می تی تشکیلاتی نینگ 2011 ییلده محبوسلر وضعیتی حقیده گی گزارش و توصیه لری دن بیر قسمی نی عملی قیلگنی گه قره مه ی، بوزمه کار وخلافکار نی تعقیب ایتیش توغریسیده هیچ قنده ی جدی قضایی فعالیت عملگه آشیریلمه گن.

یوناما اداره سی نینگ انسان حقلری بوییچه مسوولی جورجت گگنن" یوناما بوحقده جواب بیرمسلیک اینگ کته معما ایکنی نی انگله دی. قیناق اوتکزگن شخصلر انچه هم تیکشیریلمه ی دی واولردن هیچ بیری جزالنمه گن".

اونگه کوره، محکمه لر، قیناق جریانیده محبوسلرنی اعتراف بیریشگه مجبورلش حالتلرینی آلدی آلینیشی گه هیچ قنده ی حرکت قیلمه گن.

افغانستان جمهور رییسی حامدکرزی، محبوسلرنی اسره ش مسئله سی اوشبو مملکت حکومتی گه تیگیشلی ایکنی نی تاکیدلب، امریکا دولتی دن برچه افغان محبوسلرنی افغانستان دولتی گه تاپشیریشی نی سوره گن.

اما بی بی سی نینگ کابلده گی مخبری کوینتین سامرویل نینگ ایتیشیچه، آیساف قوماندانلری محبوسلربیلن ناتوغری یانده شوولر میزانی یوقاری کوته ریلگن حالده، اولرنی تاپشیریش جریانی تیزلیکده عملی بولمسلیگی حقیده آگاه لنتیرگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.