BBC navigation

مزارشریف ده اویلرنینگ بیلگی لاوچی خذمتلر یولگه قوییلگن

Сўнгги янгиланиш 22 январ 2013 - 12:54 GMT

بوسی 36 و اوسی ایسه 38 ته بو مزارشریف شهری نینگ بیر چیکه سی دیر. شهردار لیک خادملری بیر بنا نینگ یانیگه بیر تیمیر پایه نی اورنتماقده لر. بو پایه لر گه کوچه و استقامت اوی لرگه رقم یازیلگن. اوشبو محل اهالیسی حویلی و کوی کوچه لری گه رقم اورنه تیلگنی دن خرسند لر.

اولردن بیری داکتر وکیل متین بوله دی:" بنالر نمره لر اساسیده تنیلیشی خوفسیزلیک وباشقه جهت لردن هم کته اهمیت گه ایگه.مثال اوچون مینینگ اویمگه کیچه تماندن اوغری کیرگن تقدیرده حوزه مسووللری گه اویم نینگ نشانی نی قنده ی قیلیب بیره آلمه من. انه شو اوی رقملری مینینگ اویم نی معلوم قیله دی. مثال اوچون بیر اویده یانغین روی بیره دی بیز اوت اوچیرووچی خذمتی گه یانغین مکانی نی توغری ایتیب بیره آلمه میز."

افغانستان ده بیراونینگ اوی جایلرینی تاپیش اکثریت اهالی گه قیین حسابلنه دی. حاضرگی کونده اویلرنی بیلگی لاوچی خدمتلری اهالی نینگ بوحقده گی معمالرینی بیر آز برطرف ایتگن:"مینینگ اسمیم سید روح الله، بوندن آلدین بیز اوز اورتاقلریمیز گه اویمیز ایشیگی نینگ رنگی نی آدرس قیلیب بیرردیک، حاضر اورنه تیلگن رقملر اساسیده آدملر بیراو نینگ اویی نی و کوچه سی نی تاپیشگه قادر بوله آلدیلر."

اوشبو ریجه مزارشریف شهری نینگ اوچینچی ناحیه سیده عملگه آشیریلماقده. اما باشقه ناحیه لراهالیسی هم اوشبو لایحه اولرنینگ محللریده عملی بولیشی نی ایسته ماقده لر.

مزراشریف شهردارلیک اداره سی مسووللریدن بیری انجنیر محمد حیدر روف بوحقده بونده ی گپیره دی:"بیز میلادی 2012 ییلده اوچینچی ناحیه کوچه لری نینگ مسافه لری و یینی و اوزونلیگی نی همه طرفدن آلتی آی ایچیده بجردیک، شوسبب دن بو ریجه کته خرجت طلب قیله دی."

اوچینیچی ناحیه نینگ رقم اورنه تیشگه ایشلریده مزارشریف شهردارلیگی نی بیرلشگن ملتلرتشکیلاتی نینگ ابی تات اداره سی همکارلیک قیلگن.

اوشبو لایحه نینگ مسوولی مجتبی حسن نینگ ایتیشیچه، بوحقده قطار لایحه لرعملگه آشیریلیشی ممکن:" بیز گه بیر نیچه پروژه وعده قیلینگن اگر اولراختیارمیزگه قوییلگن حالده، 2013 ییل نینگ مارچ آییده مزار نینگ ینگی ناحیه لری دن بیریده شوکبی لایحه لرنی عملگه آشیریشیمیز ممکن.

بوندن آلدین هم مزار شریف شهردارلیگی بوحقده بیرقطار ایشلر نی آلغه سورگن ایدی اما ایجابی نتیجه بیر مه گن. حاضر گه قدر افغانستان نینگ هیچ بیر منطقه سیده استقامت جایلری و کوچه لر رقملر اساسیده نامله نیلمه گن. اویلر و کوچه لرنینگ ناملری نشانه لر و تصادفی شکلده قویلگنی ایتیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.