BBC navigation

سیلاولر کمیسیونی:الکترونیکی تذکره لر هم کارت اورنیگه خذمت قیله دی

Сўнгги янгиланиш 23 январ 2013 - 12:24 GMT

افغانستان سیلاولر مستقل کمیسیونی جمهوررییسلیک و لایتلر کینگشی سیلاولری اوچون آواز بیریش کارتلری و الکترونیکی تذکره لر بیرخیل اعتبار گه ایگه ایکنینی ایتگن.

سیلاولر کمیسیون نینگ ایتیشچه، حکومت و دنیا همجمعیتی کارت آلیش شرایطی گه ماس شخصلرگه ینگی کارت ترقه تیشینی قبول قیلگن.

بوندن آلدین اوشبو ایککی ریجه ده، کمیسیون حکومت دن آواز بیریش کارتلری اورنیگه الکتروینکی تذکره لردن ایش آلینیشی نی سوره گن ایدی. اما حکومت اوشبو ایککی ریجه نی بودجه یوقلیگی سبب رد ایتگن ایدی.

بیرلشگن ملتلرتشکیلاتی هم سیلاولر شیرایطی و احتیاجلیک لرنی تیکشریش اوچون بیرگروه هیات نی کابلگه یوبارگن.

اوتگن بیرنیچه آی ایچیده آواز بیریش کارتلر نینگ اورنیگه، الکترونیک تذکره لردن فایده له نیشی افغانستان حکومتی و سیلاو مستقل کمیسیونی ارا بحث لر دوام ایتگن ایدی.

افغانستان حکومتی الکترونیکی تذکره لر ترقه تیلیشی کته خرجت کوتاریشی باعث بو ریجه نی قبول قیلمه گن ایدی. مستقل سیلاولر کمیسیون نینگ دارالانشا رییسی ضیا والحق امرخیل مطبوعات انجمنیده الکترونیکی تذکره ینگی ترقه تیله جک کارت و ایسکی آواز بیریش کارتلری بیلن بیرخیل اعتبار گه ایگه بولگنینی اورغوله دی:"الکترونیکی تذکره گه ایگه بولگن شخصلر ایسه سلاولرگه بی ملال حصه قوشه آله دیلر. اولرنینگ تذکره لری اعتبارگه ایگه، اوچینچی ریجه باره سیده هم کیلیشیلگن خلق ارا جمعیت فکری هم اوگه نیلگن، یعنی ینگی کارت ترقه تیش اوچون هم هیچ قندی قینچلیک یوق، تولیق حمایتنی قولگه کیریتگن میز."

سیلاولر مستقل کمیسیون مسوللریگه کوره، ینگی آواز بیریش کارتلرینی ترقه تیش اوچون ییگیرمه میلیون امریکا لیک دالر خرجت صرفه نیله دی. اوشبو کارتلر، مهاجرت دن قیتگن شخصلر همده قانونی یاشینی بیتیرگن کیشلرگه ترقه تیله دی.

شونگه علاوه، مستقل سیلاولر کمیسیونی خوفسیزلیک مسله سی کیله جک سیلاولر اوچون اساسی موضوع بولگنینی اورغوله دی. احمد زی جنابلری امنیت تامین له نیش اوچون تیگیشلی اداره لرنی اعتبار قره تیشگه چیقیردی:"کارت ترقه تیش سیلاولرنی شفاف بولیب اوتیشینی یوزده یوز تضمین قیله آلمیدی، یریم فایز دن از رای بیروچیلر نیچه مرکز گه باریب رای بیریشگن، لیکن اساسی قینچلیک امنیت مسله سی دیر اگر امنیت تامین بولمه گونگه قدر قلاب کارلیک لرگه کتته زمینه یره ته دی."

بیرلشگن تشکیلاتی سیلاولر کمسیونی نی همکارلیک قیلیش و سیلالر شرایط لرینی کوریب چیقیش اوچون بیرگروه هیات نی کابلگه یوبارگن. اوشبو تشکیلات نینگ کابلده گی سوزچیسی نیلاب مبارز هیات افغانستان مستقل سیلاولر کیمسیون نینگ ایسته گی اساسیده کیلگنینی اورغولب بوحقده شونده ی دیدی:"بو هیات ایسه سیلاولر اوچون کیره کلی بولگن احتیاج مندلیک لرنی کوریب چیقه دی، یعنی قندی یاردم لر بولیشی و قندی شرایط لر موجود لیگی اوندن کیین مذکور هیات سیلاولر خصوصیده بولگن تکلیف لرینی آلغه سوره دیلر. دیدی خانم نیلاب مبارز.

مستقل سیلاولرکمیسیون مسووللری نینگ ایتیشچه، ییتتی مینگ آواز بیریش مرکزلر رویخطی خوفسیزلیک کوچلریگه کیله سی آیللرده تاپشریله دی.اوتگن سیلاولرده یوزبیرگن قلابکارلیک لرگه قولی بارلیگی ادعا ایتیلگن مستقل سیلاولر کمیسیون نینگ اون مینگ وقتینچه لیک ایشچیلری قیته ایشگه آیلنمسلیگی گه قرار آلینگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.