BBC navigation

افغان یوقاری مرتبه لی حربیلری نینگ پاکستانده گی سفری

Сўнгги янгиланиш 24 январ 2013 - 11:37 GMT

ایریم یوقاری مربته لی افغان حربیلری پاکستانگه سفر قیلیب، ایککی اولکه آره سیده گی چیگره خوف سیزلیگی وتروریزم گه قرشی کوره شیش مسله سینی پاکستان مقاملری بیلن بحث گه آلگن.

سونگی وقتلرده کنر ولایتیی نینگ ایریم منطقه لری پاکستان توپراغی آرقه لی راکتی هجوملرگه توتیلگنی باره سیده هم بحث بولگن.

افغانستان و پاکستان آره سیده گی چیگره حدودلرده عصیانچیلیک فعالیت لر آرتیب باره یاتگنی همده پاکستان توپراغی آرقه لی کنر ولایتی نینگ ایریم حدودلری راکتی هجوملرگه نشانگه آلینگنی ایککی دولت اره سیده گی ییریک معمالردن بیری بیری حسابلنه دی.

افغانستان ملی اردوی سی نینگ عملیات لربویچه مسوولی و بیرقنچه افغان حربیلری ایسه بیرکون الدین پاکستانگه سفر قیلیب بوموضوع لرنی پاکستان رسمیلری بیلن بحث گه آلگن.

افغان مقاملریگه کوره، چیگره نینگ ایککی تمانیده گی چیگره قوریقچی کوچلر ارا سیده هماهنگلیک لرنی کوچیتریش مسله سی اوستیگه بحث بولیب؛ ایککی تمان هم بو خصوصده موافقت بیلدیرگن.

هیات باشیده بولگن جنرال افضل امان کنر ولایتی نینگ راکتی هجوملربیلن نشانگه آلینیشی باره سیده هم صحبت بولگنینی اورغولب بوحقده شوندی دیدی:"پاکستان حربیلری نینگ دلیل لری شو ایدیکی،تروریستلر چیگره حدودلرده گی امنیتی پوسته لرگه هجوم اویشتیره دی شوندی حالده بیزنینگ امنیتی عسکرلری میز تلف بوله دی بیز تروریست لرگه قره ته اوق اچگنده راکتی هجوملر چیگره نی اوتمانیده باریب توشه دی دیب فکر بیلدیردیلر. اولر راکتی هجوملرنی آلدینی آلیش وچیگره حدودلرده خوف سیزلیکنی یخشی لشتریش اوچون هماهنگلشتروچی مرکزلر کوچیتیریلیشی ایجابی توشیشینی تاکیدله دیلر."

بوندن بیرقنچه مدت آلدین، افغانستان گه تیگیشلی بولگن چیگره حدودلرده پاکستان حربیلری امنیتی پوسته لر ایجاد ایتگن دیگن خبرلر یوزه چیققن ایدی لیکن جنرال امان بوخصوصده انیق بحث بولمه گنینی ایتدی.

افغان مقاملری مذکور اولتریشینی خوش قرشی لیدی؛ لیکن تروریزمگه قرشی کوره شیش اوچون ینگیدن قندی دیر کیلشوو بیتیم امضالنمه گنینی ایته دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.