BBC navigation

اوزبیکستان دن عاشق تاپگن افغان ییگیت طوی قیلیشگه قینه له یاپتی

Сўнгги янгиланиш 24 январ 2013 - 12:17 GMT

یلفون آرقه لی اوزبیکستان دن عاشق تاپگن عبدالنظر بیک، بی بی سی اوزبیک خذمتی بیلن بولگن صحبتیده اوشبو قیز بیلن طوی قیلیش اوچون مالی امکانیت بولمه گنی باعث نیمه قیلیشینی بیلمی قالگنینی ایتگن.

اوزینی عبدالنظردیب تانشتیرگن بو شخص جوزجان ولایتیگه تیگیشلی شورتپه تومن یشاوچیلریدن بیری.

کوپینچه افغانستان لیک اونینگ حکایه سی دن خبردار. او قندی دیر شهرتلی و به دولت آدم ایمس بلکه،تانیمسدن اوزبیکستان لیک بیر قیزگه تیلفون آچگنی اونی بو شهرتگه یتیشتیرگن.

او بیرینچی مرته تیلفون آرقه لی قیز بیلن تانشیب کین ایسه قیز و عبدالنظر اراعاشقانه علاقه لر اورنه تیلگن. اونینگ طویی یقین زمانده بولیب اوتیشی ایتیلگن ایدی ، لیکن او مادی امکانیت بولمه گنی باعث طوی قیلیشگه قینه له یاتگنینی ایتدی:" مین اوزبیکستان لیک قیز بیلن طوی قیلیش اوچون حرکت قیلماقده من، آنم و اکمنی هم یگانه آرزوسی مینی اوشبو قیز بیلن طوی قیلیش، لیکن مالی امکانیت بولمه گنی اوچون حاضرگه قدرهم طوی قیله آلمه دیم، نیمه قیلشیمینی بیلمی قالگن من."

عبدالنظر بیک کم بغل بیرعایله دن بولیب دهقانچلیک بیلن شغله نیب کیلماقده ایکن. اونگه کوره طوی قیلیش اوچون کمیده اوچ مینگ دالر کیره ک ، شوپیتگه قدر بیش یوز دالر هم تاپه آلگن ایمس.

اوندن اوزبیکستانلیک قیز باره سیده بیرآز معلومات بیرسیزمه دیب سوره گنیمده سوزنی شوندی باشله دی:" مین اون سککیز یاشیمده و اوشبو قیز اون توقیز یاشیده، اون ایککینچی صنفنی بیتیرگن، هلی کشته دوزلیک بیلن بند. کونده لیک او بیلن نیچه مرته تیلفون قیله من، تیلفون قیلمه سم بولمیدی " عاشق لیکده" بیران مرته مین تیلفون قیله آلمه سم قیز اوزی تیلفون قیلیب کیله دی."

قیز سیزدن بیر یاش کتته ایکن دیب سوره گنیمده کولیم سیره ب شوندی جواب بیردی" عاشق لیک یاشنی خواه له میدی." دیدی.

عبدالنظر اکه سی محمد بیلن هم تیلفونی صحبت قیلیشگه قادر بولدیم. او ایسه اوکه سی عبدالنظر سیوب قالگن اوزبیکستانلیک قیز بیلن طوی قیلیش یگانه آرزوسی بولگنینی ایتدی ، لیکن مالی امکانیت بولمه گنی اساسی قینچلیک بولگنیدن افسوس بیلدیردی .

شونگه قوشیمچه قیلیب اونینگ اکه سی، اوزبیکستان ویزه سینی آلیش اوچون هم قوربی یتمه یشینی ایتدی.

لیکن شوندی قینچلیک لر مقابلیده تورگن حالده هم اوزبیکستان لیک قیز بیلن عاشق بولیب قالگن عبدالنظر امیدینی اوزمه گن هرقندی بولسه هم اوشه قیز بیلن طوی قیله من دیگن آرزوده .

بوندن قریب بیر آی آلدین عبدالنظر بیک قانونی سیز چیگره نی کیسیب دریانی اوتمانیده اوتگنده اوزبیکستان پلیس تمانیدن اوشلنیب نیچه کون قماققه بولیب کینچه لیک قیز اونی قماقدن چیقاریب اویگه آلیب کیتگن.

اونگه کوره بیش آلتی کون قیز اویده بولیب، کینچه لیک حیرتان بندرگاه سی آرقه لی افغانستان قره ب اوتگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.