BBC navigation

"کامر ایرشرکتیگه قرشی اساسسیز عیبلاو قوییلگن"

Сўнгги янгиланиш 26 январ 2013 - 14:16 GMT

کام ایر شرکتی مخدرماده لرنی قچاق ایتیشگه عیبلندی.

کام ایر هوا شرکتی مخدر ماده لر قاچاقیده عیبلنگنی، قطار عکس العمللرگه دوچ کیلدی
اوشبو خبر نشر ایتیلیشیدن ایکی کون کیین، موضوع کام ایر، ترانسپورت وهوا یوللری وزیرلیگی همده افغانستان تجارت اتاقی مسووللری بیر خبری انجمن ده امریکا حربی کوچلری رسملر ی نینگ بوحقده گی ادعا سینی کیسکین رد ایتگنلر.

افغانستان تجارت و صناعت اوتاقی معاونی خان جان الکوزی عیبلاو نی اساس سیز دیب، افغانستانده گی اقتصادی اینگ کته شرکت لرگه قرشی حجت سیز عیبلاولر، اوشبو مملکت اقتصادی نینگ بنیادلریگه کته ضربه ایکنی باره سیده تاکید له دی:"حجت کورستمه ی عیبلش خصوصی سکتور لرگه اینگ کته ضرر ییتکزه دی. بیز افغانستان لیک دوستلریمیزدن شونده ی یانده شوو و اساسسیز عیبلاو موضوعی همه گه ییتکزیشی نی سوره ی میز."

مملکت ترانسپورت وهوا یوللری وزیرلیگی هم اوشبو قضیه گه عکس العمل بیلدیریب، ینه بیر بار خارجی کوچلردن کوپراق ایضاح بیریشی نی سوره دی. اوشبو وزیرلیک سوز چیسی ننگیالی قلاتوال، خارجی لر بوحقده گی حجتلرینی افغانستان نینگ عدلی وقضایی اداره لریگه تاپشیریشی کیره کلیگی نی اورغوله دی:"ترانسپورت و هوا یوللری بو مسله نی جدی روشده رد ایته دی. بیز بوحقده حجت سوره ی میز و بو حجتلرنی عدلی وقضایی اداره لریگه تاپشیریلیشی کیره کلیگی باره سیده تاکیدله یمیز."

کام ایر شر کتی رییسی زمری کامگار هم اوز شرکتی خارجی لرگه یقین بعضی بیر تیوره کلر نینگ ناتوغری رقابتلری نینگ شکاریگه دوچ کیلگنی حقیده گپیردی.
" بو ییرده بیر قطار فایده قولگه کیره دیگن مافیا موجود. بو مافیا لر افغانستاندن سرمایه نی تشقری گه چیقیشیگه سعی و حرکت آلب باره دی. شو اینگه کته تورتکی حسابلنه دی.

اما حربی تحیلچی اسدالله والواجی مخدر ماده لردنیا بویلب قاچاق ایتیلیشی نی ایتیب، اوشبو عمل دخیلدار منبعلر نینگ کیلیشووی اساسیده عملگه آشیریلیشی ممکنلیگی حقیده تاکیدله یدی.

افغانستان نینگ تجارت و ضناعت اتاقی جمهور رییس کرزی دن بو قضیه گه اره لشیشی نی سوره دی. تجارت وصناعت اتاقی خان جان الکوزی شونینگ دیک چیت ایل کوچلریدن ایضاح بیریشلرینی سوره گن. خارجی کوچلر ایسه کام ایر شرکتی نینگ تاجکستان گه مخدرماده قاچاق قیلگنلیگی نی اثباطلش اوچون تحقیقات دوام ایته یاتگنی دن خبر بیرگن. اما حاضرگه قدر عاموی اخبارات واسطه لریگه قانیقرلی حجت کورستیلمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.