BBC navigation

ملی جبهه باشلیغ لری وبلخ حاکمی سیلاوده بیرگه لیکده حرکت قیلیشلرینی ایتدی

Сўнгги янгиланиш 27 январ 2013 - 11:59 GMT

اوتمیشلرده اشدی سیاسی رقیب حسابلنمیش، جنرال دوستم و عطا محمد نور، ملی جبهه رییسی و ایریم تنیقلی اعضالری ،کیله جک جمهوررییس لیک سیلاو باره سیده خواطر بیلدیریب، اما بیرخیل سیاست آلیب بارییشلری حقیده تاکیدله گنلر.

سياسي و جهادي رهبرلرنينگ مشترك اعلاميه سي ديب ناملنگن ايريم ريجه و سخنلر رويخطي، مزارشريف شهر مركزي بلخ ده بوليب اوتگن بير ييغينده ترقه تيلدي.

اعلاميه ده جنرال عبدالرشيد دوستم، بلخ تومن حاكمي عطامحمد نور، اوغانستان ملي جبهه باشليغي احمد ضيا مسعود، اسلام بيرليك حزبي رهبري محمد محقق، ملي جبهه اعضاسي امرالله صالح لرنينگ مخصوص مسله لر اوستيده گي فكر و خلاصه لري يازيلگن.

بيش بندن عبارت بولگن اعلاميه ده گي بيرينچي مسله- موجود آواز بيريش كارتلرينينگ ابطال ايتيليب، اورنيگه ينگي كارت توزه ليشي، اهالي اوچون الكترون شكليده گي تذكره لر تيار بوليشي.

ايككينچي بندده اساسن- ملي حاكميت نينگ انيقلنيشي،‌ يانيده خوفسيزليك بيلن بيرگه طالبان گروهيگه باج تولشده اويغون يوسوندن فايده لنيش كبي سخنلر سيغگن.

اوغانستان نينگ مهم سيمالريدن عبارت بولگن جنرال عبدالرشيد دوستم، جنرال عطا محمد نور، حاجي محمد محقق لرگه بير تقيم افترالرنينگ آتيليب،‌ آرتيدن حقيقت نينگ نيمه ايكنليگي نمايان بوليش مسله سي، چيت ايلليك كوچلرنينگ تيزليك بيلن اوغانستانني تشلب چيقيشي، سياسي اصلاحات بابيده اوغانستان وضيعيتي نينگ كيسكينلشيب كيتيش احتمالي كبي مسله لر ايسه اعلاميه نينگ اوچينچي و تورتينچي پاراگرافلريده جايلشگن.

جنرال عبدالرشید دوستم و عطا محمد نور آره سیده الدینلر مخالفت لر اوته کوچلی ایدی.

ایندی لیکده بو ایککی رقیب نینگ بیر میز اطرافیده اولتریب افغانستان کیله جگی باره سیده سوز یوریتیشی کوپچلیک اوچون کوتیلمه گن بیر خبر بولدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.