BBC navigation

ناتو کوچلری چیقیب کیتگنیدن سونگ پاکستان رولی محاکمه ایتیلماقده

Сўнгги янгиланиш 28 январ 2013 - 07:24 GMT

افغانستان مدافعه وزیری بیش کونلیک سفری نینگ بیرینچی کونیده قوشمه مدافعه همکارلیک، ناتوکوچلری چیقیب کیتگنیدن سونگ پاکستان نینگ قندی رولی بولیشی، چیگره خوف سیزلیگی، کبی موضوع لرنی پاکستان رسمیلری بیلن مباحثه ایتگنلر.

محمدی جنابلری التی یوقاری مرتبه لی افغان حربی سی بیلن یکشنبه کونی توشدن سونگ پاکستان پایتختی اسلام آباد گه ایتیب بارگن ایدی.

بوندن آلدین افغانستان گه سفر قیلگن پاکستان نینگ قوراللی کوچلر قوماندانی جنرال اشفاق پرویز کیانی افغانستان مدافعه وزیرینی پاکستانگه سفر قیلیشگه دعوت ایتگن ایدی.

پاکستان حربی منبع لریدن بیری بی بی سی گه ایتیشیچه ، افغانستان مدافعه وزیری و جنرال کیانی قوشیمچه پاکستان نینگ یوقاری مرتبه لی حربی مقاملری آره سیده ایکی تمانله مه همکارلیک باره سیده هم صحبت لر بولگن.

افغانستان مدافعه وزیری قوشیمچه یوقاری مرتبه لی حربیلر اسلام اباده گی مدافعه مرکز و ملی مدافعه یونورسیته سیگه هم باریب پاکستان حربیلری حضوریده سوز یوریتگن.

لیکن پاکستان وافغانستان یوقاری مرتبه لی حربیلری اره سیده مباحثه ایتیلگن مدافعه همکارلیک، چیگره خوف سیزلیگی و ناتو کوچلری نینگ چیقیب کیتگنیدن سونگ پاکستان رولی باره سیده به تفصیل معلومات بیریلمه گن.

شونینگ دیک ایکی اولکه مابینیده امضاله نیشی کوتیله یاتگن استراتیزیک همکارلیک خصوصیده هم آرتیقچه معلومات بیریلمه گن.

بوندن بیرنیچه کون آلدین هم بیرگروه حربیلری پاکستانگه سفر قیلیب ایکی اولکه آره سیده گی چیگره خوف سیزلیک مسله لرینی پاکستان رسمیلری بیلن محاکمه ایتگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.