BBC navigation

«افغان يولدوزي» ده اوزبيك و توركمن ياشلري

Сўнгги янгиланиш 2 феврал 2013 - 11:56 GMT

افغانستان نینگ طلوع تلویزیونی یاشلر اوچون «افغان یولدوزی» نامی آستیده‌گی موسیقه برنامه ‌سینی بوندن سککیز ییل بورون باشلب يوبارگن. موسیقه برنامه سیگه افغان جمیعتی نینگ قیزیقیشی کتّه، هرملیتدن اونگه یاشلر قتنشماقده. جاری ییلده ایسه، اوزبیک و تورکمن ملیتلریدن هم ایککی یاش قتنشگن. بوكونگي كونده ياشلر آره سيده قوشيقچي بوليش ايسته گي كتّه راق.
لطیفه عزیزی بیلن هارون اندیشور اوزبیک و تورکمنلر تمانیدن دستورده یوقاری بهالرگه ایریشیش اوچون یاردم بولیب کیلیشماقده ایکن.
بلخ ولايتي،‌ دهدادي تومني، شيرآباد قيشلاغي نينگ توركمنيه محله سي يشاوچيسي بولگن لطيفه عزيزي، توقيزينچي صنف اوقوچيسي. او افغانستانده گي خصوصي تلويزيونلرنينگ بيريده گي موسيقه دستورلريگه قتنشگن. بيرتماندن اوني قوللب- قوتله يديگن آدملر كوپ بولسه، باشقه جهتدن اونينگ ايشيگه توسيق بوله ياتگنلر هم آز مونچه ايمس ايكن. برنامه گه حصه قوشگن هربير ياش كبي، بو ايككي- اوزبيك و توركمن ياشلري هم «افغان يولدوزي» دستوريده موسيقه عشقبازلري طرفيدن خوش قرشيلنماقده.
بيز لطيفه عزيزي و هارون انديشورلر بيلن يقيندن صحبتلشماقچي بولديك، بيراق دستور قانوني بوييچه،‌ برنامه جرياني توگه شي بيلن گينه اولر اطلاعات ييتكزوچي واسطه لربيلن علاقه قوريشگه موفق بوليشلري ممكن ايكن.
شونينگ اوچونهم بيز بو حقده يالغيز عادي اهالينينگ فكريني اورگنيشگه قيزيقديك.
مزارشریفلیک مريم و اسميني ايتيشني ايستمه گن دوگانه سي، لطیفه نینگ آغیر تورموش شرایطلرینی یینگیب، جسارت بیلن جهاني ترماق آرقه‌لی اشوله اوقیب چیقه‌یاتگنیگه آفرینلر ایته‌دی.

هارون اندیشورنینگ زمانوی اوزبیک خاننده‌سی بولیش ادعاسی کوپلب اوسمیرلرنینگ اوندن حمایه قیلیشگه آلیب بارگن. بوني، كيچيك ياشده گي عبدالغني بيلن گپلشگنيميزده پيقب قالديك.

ليكن كوزه تيليشيچه؛ تورکمن قیزینینگ عنعنه ‌لرنی سیندیریب اوتیشیگه کوپچیلیک طرفدار بولسه، ایریملر ایسه اونینگ بو حرکتینی یاقتیرمه‌یپتی.

طالبان دوريده، ‌افغانستان محيطيده، عياللرنينگ قنده ي اورينده ايكنليكلري نه فقط شوييرليك اهالي بلكه جهان مقياسيگچه معلوم بولدي. اينديليكده اگر خاتين- قيزلرنينگ فعاليتلري كوپراق سياسي و ادبي ساحه لرده بولسه، گوزه ل صنعتلرگچه هم باريب ييره گن. موسيقه يوليده اوزبيك ياكه توركمن ياشلرينينگ قدم قوييشلري ايسه آزراق كورينيب كيلگن ايدي. وليكن سونگي چاغلرده گي ياش قتلمينينگ قوشيقچيليك فعاليتيگه تثنالر ايتيلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.