BBC navigation

کابلده گی تاجرلر و صنعتکار بیرلشمه سی هراتده گی قضیه حقیده آگاه لنتردی

Сўнгги янгиланиш 2 феврал 2013 - 13:32 GMT

افغانستان صناعتچیلر بیرلشمه سی، هرات ده بیر تاجرنینگ فرزندی قتل عامللری محکمه ایتیلمه گن تقدیرده، مملکت بویلب ایش تشلشگه قول اوریشلری ممکنلیگی باره سیده آگاه لنتیرگن.

اوشبو بیرلشمه مسووللری نینگ ایتیشیچه، اوشبو قتللر و تهدیدلر دوام ایتدیریلگن حالده، رواجلنه یاتگن افغانستان صناعتی تاثیرلنیشی ممکن.افغانستان ایچکی ایشلروزیرلیگی، حاضرگه قدر 12 کیشی نی مذکور باله نی قتل قیلگنلیکده عیبلب، حبسگه آلگنی دن خبر بیرگن.

هراتده اوشبو تاجر نینگ فرزندی قتل موضوعی، افغانستان تاجرلری و صنعتکارلری نینگ غضبلنتیرگن. صناعتکارلر بیرلشمه سی رییسی نینگ ایتیشیچه، حکومت تیز آره ده اوشبو قتل عامللری جزالنیشی باره سیده اوز قرارینی اعلان قیلیشی کیره ک. عبدالجبار صافی، حکومت قضیه حقیده جدی سعی و حرکت آلیب بارمه گن تقدیرده، تیز آره ده مملکت بویلب ایش تشلش اعلان قیلیشلری ممکنلیگی باره سیده آگاه لنتردی:"بیز عامللر نینگ جدی جزالنیشی نی سوره ی میز، اگر عامللر جزالنمه گن تقدیرده، بیز تورت یا بیش کون میدیا آرقه لی یگانه کابل ایمس، بلکه افغانستان بویلب، حقوقی و باشقه موضوعلر نقطه ء نظریدن بیر قرار گه کیلیب، ایش تشله شیمیزنی اعلان قیله میز".

افغانستان ده سرمایه دالرنی حمایه ایتووچی آیسا اداره سی هم صنعتکارلرنینگ اوشبو قرارینی حمایه قیلیشی نی اعلان قیلیب، حادثه عامللر جزالنیشی نی تاکیدله دی.

اما اوشبو ایچکی ایشلروزیرلیگی سوزلاوچیسی صدیق صدیقی، 12 کیشی قتل قیلگنلیکده عیبلنیب، حبسگه آلینگنیدن خبر بیریب، تاجرلر و صنعتکارلر گه حکومت نینگ حادثه اصلی عامللری جزالنیشی باره سیده گی وعده سی دن ایشانچ بیردی:" اوتگن کیچه گه قدر ایکی عیال شامل 12 کیشی حبسگه آلینگن، اولردن ایکی ته سی اوغیرلشده قولی بولگنلیگی نی تن آلگن اولردن بیری هراتده گی تاجرنینگ قوریقچیسی دیر. ایشلر یخشی روشده آلغه کیته یپتی، فقطگینه بیرکیشی قاچیشگه موفق بولگن او هم پولیس تمانیدن جدی روشده تعقیب ایتیلماقده. جمهور رییس هم بوحقده جدی دستور صادر ایتگن و برچه حکومت اداره لری بو باره ده جدی سعی وحرکت آلیب بارماقده. مین ایچکی ایشلروزیرلیگی تمانیدن پولیس نینگ حرکت بیلن قولگه آلینگن شخصلر بیر انیق وقتده جزالنیشی نی سوره ی من".

تاجرلر وصنعتکارلر نینگ اساسی تشویشلری ، تاجرلر و اولرنینگ عایله اعضالری تهدید و قتل ایتیله یاتگنی دیر. اولرگه کوره، اوشبو عمل نینگ دوامی مملکت نینگ سرمایه یاتقیزیش جریانی گه سلبی تاثیری اوتکزیب، بیرقطار تاجرلرنینگ فابریکه لرینی یاپیب، افغانستان نی ترک ایتیشیگه سبب بوله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.