BBC navigation

سالنگ شاه یولی اهالی یوزیگه یاپیلدی

Сўнгги янгиланиш 2 феврал 2013 - 12:59 GMT

افغانستان نینگ شمالی ولایتلرینی جنوبی منطقه لریگه باغلب تورگن سالنگ شاه یولی داوول و کوچلی قار یاغیشلر سببلی اوتگن آقشامدن بویان خلق یوزیگه یاپیلگن.
سالنگلر اطراف- محیطیدن محافظه قیلوچی اداره مسولی جنرال رجب بی بی سی بیلن قیلگن صحبتیده اوشبو موضوعگه آچیقلیک تشله گن.

سالنگلر تیوره گ- اطرافینی سقلاوچی اداره باشلیغی جنرال رجب نینگ ایتیشیچه، ایککی کوندن بیری سالنگ نینگ هر ایکلله تمانی هم یولچیلر یوزیگه یاپیلگن.
او، کوچلی قار یاغیش باعث، کیله سی اوچ کونگچه ایل اوچون سالنگلر یولی یاپیله دی. اما اونگه کوره، اولگی ییللرگه قره گنده جاری ییلده یاغگن قار- یامغیرلر سالنگ شاه یولی اوچون جدی خواطیر حسابلنه یمدی.

جنرال رجب: «سالنگ یوللرینینگ هر ایکلله تمانیده هم یاغینگرچیلیک کوپ بولدی. دییرلی قیرق سککیز ساعت ایچیده هوا حرارتینینگ کیسکین پسه یگنی طفیلی قتتیغ قار یاغدی. قتناوچیلرگه معما یره‌تمسلیگی اوچون بیز تون آقشام ساعت ییتی دن بویان یوللرنی یاپیشگه قرار قیلدیک. منه ایندی تخمینن ایککی ساعتلردن بیری وضیعتگه آزگینه بولسه-یم برهم بیریلدی. قورقینچ احتمالی بولگن هربیر حدودنی تیکشیریب توریبمیز. لیکن اَولّگی ییللرگه قره گنده اوشبو ییل، قارکوچکیلری کوپ یوز بیرمه دی. شونده ی بولیشیگه قره مه ی، سونگی کونلرده یاغه یاتگن قار جوده کوپ.»

عادی فقرا اوچون، کتته تهدید حسابلنگن سالنگ یولی قار کوچکیلری، کوپچیلیکنی تشویشگه سالگن.

هرچند یاغینگرچیلیکلر سبب سالنگ یوللرینینگ یاپیلیشی بیرینچی مرته بولیب کورینه یاتگنی یوق. سالنگ شاه یولیده یوز بیره یاتگن تخمینن هر ییلگی قار اویومی و قار کوچکیلری، طبیعی آفتلر قطاریده انسانلر حیاتینی خطرلر بیلن هم یوزمه- یوز قیلگن. بوندن آلدینگی ییللرده هم قلین قار یاغیشلر، کوپلب یولچی اهالینینگ جانیگه ضامن بولگن ایدی. شومقصدلر کوزلنیب، خلق اوچون هرقنده ی خطر توغیلمسدن آلدین، مسئول آدملر سالنگ یوللرینی یاپیب قویشگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.