BBC navigation

ایچکی ایشلروزیرلیگی: محلی پولیس سانی ایکی برابرگه آشیریله دی

Сўнгги янгиланиш 3 феврал 2013 - 13:08 GMT

افغانستانده ایچکی ایشلروزیرلیگی سونگی پیتلرده اهالی خوفسیزلیگی بوتنلی تامینلنیشی اوچون ، محلی پولیس کوچلری سانی آشیریلیشی باره سیده خبر بیرگن.

محلی پولیس اداره سی باش قوماندانی. اوشبو کوچلر ، مملکت بویلب 90 فایز اهالی خوفسیزلیگی نی تامینله ی یاتگنی نی ایتیب، اولرنینگ سانی ولایتلر ده گی خوفسیزلیک کمیته لری و اهالی نینگ تکلیفی گه بنآ؛ آشیریلیشی ممگنلیگی نی ایتگن. اونینگ معلوم قیلیشیچه،حاضرگی کونده مملکت بویلب، کمیده ییگیر مه مینگ و ایکی یوزو ایلیک نفر محلی پولیس نا قرار منطقه لر خوفسزلیگی نی تامینلشگه وظیفه دار ایتیلگن.

افغانستان ایچکی ایشلر وزیرگیگه کوره محلی پلیس کوچلری خوف سیزلیکنی چیککه حدودلرده تامن لش اوچون فایده لی بولگنی باعث،اوشبو کوچلر سانینی کوپیتریش قراری آلینگن.

محلی پولیس اداره سی رییسی نینگ ایتیشیچه، اوشبو پولیس اهالی نینگ کوچی صفتیده تومن وقیشلاقلرکینگشلری نینگ تکلیفی اساسیده ولایتلرده ایجاد ایتیله دی.

محلی پولیس اداره سی قوماندانی جنرال علیشاه احمدزی اوشبو کوچلری نینگ اساسی وظیفه سی، اهالی خوفسیزلیگی نی تامینلش و واولر نی تهدید ایته دیگن هر خیل مخالف گروه لر گه قرشی کوره شیش دن عبارت ایکنی نی تاکیدله دی.

او ، مملکت بوتون منطقه لری خوفسیزلیگی نی تامینلش و اهالی ایسته گی گه بنآ اوشبو کوچلر سانی ایکی برابرگه آشیریلیشی نی ایتدی:" ایچکی ایشلروزیرلیگی دن حربی و ناحربی شخصلر نینگ تکلیفی اساسیده اوشبو کوچلر نینگ سانی گه باشقه 15 مینگ قوشیمچه قیلینه دی و سانلری 45 منیگ گه ییته دی. اگر تومنلرده اهالی اوز خوفسیزلیگی تامینلنیشی اوچون تکلیف قیلگن حالده، و او ییرلرده وضعیت یخشی بولمه گن بولسه، محلی پولیس ایجاد ایتیله دی."

اونگه کوره ، حاضرگی کونده افغانستانده کمیده یوز تومن و قیشلاق نینگ خوفسیزلیگی تامینلنیشی اوچون 20 مینگ دن ارتیق محلی پولیس وظیفه دار ایتیلگن. او، محلی پولیس قانون نی تطبیق ایتیشده صلاحیتلی بولمه ی، محل اهالی سی خوفسیزلیگی نی اوز منطقه لریده گی اوغریلر و تهدیدلر دن حمایه قیله دی و اوشبو کوچلر نینگ فعالیتلرینی ملی پولیس کوچلری نظارت ایته دی دییدی.

اونینگ ایتیشیچه، محلی پولیس، اربکی و ملیشه لر دن فرقلی بولیب، اولر اهالی اوچون ایجاد ایتیلیب، مخصوص قانون و اصوللر اساسیده عمل قیلیشه دی.

اونگه کوره، محلی پولیس افغانستان بویلب 90ـ 95 فایز اهالی نینگ خوفسیزلیگی نی تامینلب، خذمت کورسته دی. لیکن کوپینچه افغانستانلیک محلی پلیس کوچلریدن اونچه هم خرسند بولمه گنی نی ایته دی.

اما باشقه بیر، محلی پولیس نینگ اهالی گه کورستگن خذمتلریدن انکار ایتمه ی، اونینگ یانیده ناتو غری بیرقطار معمالرنینگ توغدیریلیشیگه سبب بولگنی نی تیلگه آلدی: "محلی پولیس خوفسیزلیک نی تامینلش ده یاردم کورستگنلر اما قطار قیینچیلیکلر پیدا بولیشیگه هم باعث بولگنلر. اولر اوغیرچیلیک و ناتوغری ایشلرگه قول اوریب، اهالی اولردن شکایت قیلماقده لر".

ایریم خبرلر گه کوره، محلی پولیس اهالی نینگ اذیتیگه سببب بولیب، بوندن آلدین انسان حقلری کمیسیونی هم اوشبوکوچلرنی بیرقطار قانون بوزرلیک و تینچ سیزلیک نی برهم اوروشده عیبلنگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.