BBC navigation

ایچکی ایشلروزیرلیگی: عصیانچیلیک فعالیتلرنی آلدینی الیش اوچون خلق همکارلیگی آشگن

Сўнгги янгиланиш 4 феврал 2013 - 13:43 GMT

افغانستان ایچکی ایشلر وزیرلیگی، سونگی وقتلرده عصیانچیلیک فعالیتلری و جرم جنایت نینگ کمیتریش اوچون مردم همکارلیگی کوزگه کورینرلی درجه ده آشگنینی ایتگن.

اوشبو وزیرلیک رسمیلریگه کوره،هر کونی بیش یا اون حادثه مردم تمانیدن بیریلگن معلوماتلر اساسیده بیکار ایتیله دی.

شونینگ دیک ایچکی ایشلروزیرلیگی، پلیس تمانیدن جرم جنایت خصوصیده معلومات بیریش اوچون اعلان قیلینگن، 119 ناملی تیلفون رقمی ارقه لی آگاهی لیک بیریب، کوپلب حادثه لر خنثی ایتیلگنیدن خبربیرگن. لیکن ایریم پولیس تمانیدن ییتکزیله یاتگن خذمتدن حاضرگه قدر هم اونچه لیک راضی کورینمه یدی.

افغانستان حکومتی تیرورچیلیک فعالیتلرینی آلدینی آلیش اوچون خلق همکارلیگی ضرور لگینی تاکیدلب، آلدینلر بوخصوصده خلق همکارلیگی کوزگه کورینرلی بولمه گنینی ایتر ایدی، لیکن حاضرگی کونده ایچکی ایشلر وزیرلیگی مردم نینگ همکارلیگی کوپه یگنینی ایتماقده. افغانستان ایچکی ایشلر وزیرلیگی سوزچیسی صدیق صدیقی بی بی سی بیلن بولگن صحبتیده بوحقده شونده ی دیدی:" عموما الگنده مردم نینگ همکارلیگی مملکت بویلب کوپلب ناخوش حادثه لرنینگ آلدی الینیشگه سبب بولگن،هر ییگرمه تورت ساعت مردم همکارلیگی اساسیده بیش اون حادثه نی خنثی قیله میز. بوعصیانچیلیک فعالیت لرنی الدینی الیش اوچون هم کوپ فایده لی".

لیکن صدیقی جنابلری جرم جنایت یاکه عصیانچیلیککه قول اوروش عیبی بیلن توتیلگنلردن نیچه فایزی مردم همکارلیگی بیلن قولگه الینگنلیگی باره سیده انیق معلومات بیرمه دی. اما کونی کیچه مردم همکارلیگی، انتحاری هجوم اویوشتریش عیبلاو بیلن سککیز کیشی کابل شهری نینگ تایمنی منطقه سیده گی اویلردن بیریده قولگه الینگنی خبرقیلیندی.

شونگه قوشیمچه، افغانستان پلیس اداره سی جرم جنایت میزانینی کمیتریش اوچون هم 119 ناملی تیلفون شماره نی خلق خذمتی گه قوییگن. ایسته گن شخصلر ایسه، بو نمره گه تیلفون قیلیب، جرم جنایتلر باره سیده معلومات بیره دی.

جنرال عینی گه کوره، نیچه ییل جریانیده یول چیککه سیده اورنه تیلگن ماین و عصیانچلیک فعالیت لر، مردم نینگ تیلفون ارقه لی بیرگن معلوماتی اساسیده خنثی ایتیلگن:"التی ییل جریانیده 2600 ماین کسبه کار مکتب اوقوچیلری و اقسقاللر معلوماتی طفیلی خنثی ایتگن میز. شونینگدیک طالبان اره سیده هم 119 تیلفون رقمی هم رواجلنگن شوندی انتحاری عمللرگه موافق بولمه گن طالبلر هم بیزگه تیلفون قیلیب معلومات بیره دی دیدی جنرال عینی".

بوندن تشقری کابل شهریده خوفسیزلیکنی تامینلش وشبهه لی شخصلرنی قولگه آلیش اوچون هم ایریم چاره تدبیرلر کوریلگن. اولردن بیری هم تورت یوللریده خوفسیزلیک خادملرینی وظیفه لنتریش بولگن. مین کابل شهری نینگ گوجوم منطقه لریده فعالیت آلیب باره یاتگن امنیت خادملریدن بیرینی صحبت گه چارلب عصیانچیلرنی توتیش اوچون مردم همکارلیگی قنده ی دیب سوره دیم:"بوخصوصده یللیک فایز مردم بیزبیلن همکار، شبه لی شخص یاکی موترنی کورگن بیرپیت تیلفون ارقه لی یاکه اوزلری کیلیب بیزگه معلومات بیره دیلر. بیز انیق تیکشریلگندن سونگ شبه لی شخصلرنی توته میز، یعنی اوتمیش لرگه کوره اهالی نینگ همکارلیگی نه فقط کابل بلکه کابل نینگ باشقه ولایت لریده هم کوچیگن. نیجه مرته کابل نینگ چیککه منطقه لریدن بیر شبه لی موتر کابل قره ب کیتدی دیب بیزگه مردم تمانیدن معلومات بیریلدی بیز مردم نینگ بوخصوصده بولگن همکارلیک لریدن جوده خرسند میز".

خوب، مردم نینگ پلیس گه بولگن همکارلیگی چیککه حدودلرده هم خوفسیزلیکنی تامینلش اوچون ایجابی بولیشی ایتیلیب کیلگن، بدخشان ولایتی نینگ پلیس قوماندانلیگی اداره سی آمری سخیداد حیدری، اوزاق منقطه لرده هم اهالی پولیس گه همکارلیک کورسته یاتگنی نی ایته دی.

کابلیک میرویس ایسه، عصیانچیلیک فعالیتلری خصوصیده خوفسیزلیک کوچلریگه خبر بیریش اونچه لیک آسان بولمه گنینی ایتیب، اهالی بونده ی خذمت نی قیلیشگه حرکت قیله دی، اما کیله جگی دن قورقه دی دییدی.

بوندن بیرنیچه کون آلدین، قندوز لیک بیرشخص اوز اوغلینی انتحاری هجوم اویشتریشگه شبهه لی بیلیب، پولیسگه تسلیم ایتگن ایدی.

عصیانچیلیک و تیروریستلیک فعالیتلری باره سیده خوفسیزلیک کوچلریگه معلومات بیریش هم بیر قطار خواطرلر بیلن بیرگه بولگن، چونکه کوپچیلیک طالبان تهدیدلری باعث، بوکبی شبهه لی شخصلرنی کورگن حالده هم، خوفسیزلیک کوچلریگه معلومات بیریشمه یدی. باشقه تماندن ایریم نینگ پلیس کوچلریگه تولیق ایشانچی بولمه گنی اوچون هم، شونده ی تیروریستلیک فعالیتلری خصوصیده پلیس گه معلومات بیریشگه حرکت قیلمه دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.