BBC navigation

ژورنالیست لر هنوز هم معلومات گه ایریشیش قانونی یوق لیگی بیلن فعالیت قیلماقده

Сўнгги янгиланиш 10 феврал 2013 - 11:47 GMT

خبرنگارلر معلومات لرگه ایریشیش قانوننی عدلیه وزیرلیگی انچه جنجللر دن کیین تصویب قیلیشگه تیار قیلدی.

اوشبو قانون مسوده سی بوندن بیر ییل مقدم اخبارات ومدنیت وزیرلیگی تمانیدن عدلیه وزیرلیگیگه یوباریلدی و عدلیه وزیرلیگی نینگ قانون ایشله ب چیقیش انستیتیوتی تمانیدن تکمیل بولدی.

ایرکین مطبوعات نی حمایه ایتووچی "نی" اداره سی رییسی صدیق الله توحیدی، جاری ییل نینگ آخریگچه معلوماتلر گه ایریشیش قانونی حکومت تمانیدن پارلمان گه تصدیقلنیش اوچون یوباریلیشی حقیده امید بیلدیرگن.

ژورنالیست لردن حمایت ایته یاتگن نهاد لرگه کوره، معلوماتلر گه ایریشیش قانونی تصدیقلنیشی بیلن، ژورنالیستلر یولیده تورگن معمالرنینگ بیر بولیمی حل ایتیلیشی ممکن.

ژورنالیست لر نی حمایه ایتووچی" نی" اداره سی نینگ رییسی صدیق الله توحیدی، هنوز هم دولت رسمیلری ژورنالیستلرگه لازم معلومات لرنی بیریش دن باش تارته یاتگنی حقیده تاکیدله یدی.

توحیدی جنابلریگه کوره، مذکور قانون تصویب بولیشی بیلن، هر بیر دولت ملازمی مذکور قانون نی نظرده توتمه گن حالده، جزالنتیریله دی.

شونده ی بیر حالده، افغانستانده خبرنگارلر معلومات لرنی قولگه کیریتیش اوچون انچه قیین چیلیک لر بیلن یوزمه یوز.

مذکور قیین چیلیک یالغیزگینه کابل گه خلاصه بولمه گن بلکه افغانستان نینگ کوپ گینه ولایت لریده کوزگه کورینه دی.

فاریاب ولایتیده خبرنگارلیک فعالیت لری بیلن مشغول بولیب کیلگن حسن سرداش کوپ مورد لرده محلی رسمیلر تمانیدن ضرورت بولگن معلومات لرنی قولگه کیریته آلمه گنینی ایته دی.

سرداش جنابلری گه کوره، مذکور قیین چیلیکگه اساسی سبب ایسه افغانستان ده معلومات گه ایریشیش قانونی یوق لیگی دیر.

ایرکین رسانه لردن حمایت ایته یاتگن تشکیلات لر، ژورنالیست لرگه تیگیشلی بولگن تورلی خیل مسئله لر اوچون افغانستان حکومتی نینگ رسمیلری دن شکایت قیلیب کیلگن لر. اما ژورنالیست لرنی حمایت ایتوچی – نی تشکیلاتی ایسه معلومات لرگه ایریشیش قانونی جاری قویاش ییل نینگ سونگی گه قدر پارلمان تمانیدن تصدیقلنیشی و کرزی تمانیدن توشیح بولیشی گه امید بیلدیرگن.

خود شو مسئله لرگه قرگنده، ایریم لرگه کوره، مذکور قانون تصویب بولیشی بیلن هم، افغانستان رسانه لری و ژورنالیست لری نینگ قیین چیلیک لری زود لیک بیلن حل بولمه یدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.