BBC navigation

هراتده، پطرول گه یوره دیگن موترلرنی گازی قیلیش تدبیری رواجلنماقده

Сўнгги янгиланиш 12 феврал 2013 - 08:31 GMT

بوندن آلدین پطرول و دیزل یانیلغی ماده لری ایشله تیله دیگن موترلربوگونکی کونگه کیلیب، گازی قیلینگن بوندن کوزلنگن مقصد لردن بیری هوا افلاس له نیشی آلدینی آلیش ایکنی ایتیله دی.

هیدوچیلرنینگ ایتیشچه اولر، بوندن آلدین موترلریگه پطرولدن ایش آلرایدیلر. اما اولرگه کوره پطرول بیرتماندن قمیت توشه دی باشقه تماندن هوا افلاس له نیشگه سبب بوله دی، لیکن گاز دن فایده له نیش هم ارزان توشه دی وهم اطراف محیط نی حمایه لشده خذمت قیله دی. هراتده هیدوچیلیک قیله دیگن شخصلردن بیری جلیل احمد بوحقده شوندی دیدی:" من موترم نی گازی قلیش اوچون بو کمپنی گه مراجعه قلدیم چونکه بو سیستم نی فایده لی ایکنی نی باشقه تکسی وان لردن ایشیتیم . بیرتماندن بازار د ه تیل و یانیلغی ماده لر صفت سیز بولگن، باشقه تماندن نرخی هم قیمت . گاز ایسه هم ارزان و هم اطراف محیط افلاسله نیشی الدی نی الیش ده ثمره لی. من هر کونی بیر مینگ افغانی ایشله سم 700 نی پطرول الیشیم کیرک اما اگر 400 افغانی گاز تلشه سم ایکی کون ایشله آله من . بونگه علاوه صفت سیز پطرول موترگه عوارض قالدیره دی لیکن گاز نی هیچ قندای عوارضی یوق دیدی بو هرات لیک تکسی هیدوچی."

نقلیه واسطه لرنی پطرول دن گاز گه اوزگرتریش اوچون بو تخنیکی سیستم نی هرات فاریاب نام لی بیر محلی کمپنی بیرینچی بار هرات ده الیب کیلگن. اوشبو کمپنی رییسی حجت الله الماری ایکی آی آلدین بو سیستم هرات ده فعال بولگنی نی ایتیب حاضرگه قدر قریب ایککی یوز نقلیه واسطه گازی قیلنگنینی ایتدی.

حجت الله بو سیستم اقتصادی نظردن جوده فایده لی ایکنی نی تاکیدلب مثال اوله راق اون لیتر پطرول بیلن بیر موتر 100 کیلومتر یوروسه اون کیلو گاز ده 140 کیلومتر یوریشی قید ایتیب 10 لیتر پطرول نرخی حاضر 550 افغانی بولگن ده اون کیلو گاز حاضرچه 400 افغانی ایکنی نی تاکید لیدی.

هرات افغانستان نینگ ایککینچی یریک شهری حساب لنه دی. بو شهر ده هوا افلاسله نیشی و اطراف محیط معما لری ییل اوتیشی بیلن کوپ گینه خواطر لرنی توغدیرگن.

نقلیه واسطه لر سانی کوپ لیگی، یانیلغی ماده لر خصوصا پطرول صفت سیزلیگی ،جمعیت و صنعتی فابریکه سانی کون اوتیشی بیلن ارتیب باریشی طفیلی اطراف محیط افلاسله نیش معما سی هرات یشاوچی لرینی تهدید قیله یاتکان موضوع لردن بولگن.

هرات ولایتی اطراف محیط نی سقلش اداره سی بوندن قریب ایکی ییل الدین اطراف محیط افلاس لیگی الدینی الیش مقصدیده انه شو سیستم عملی بولیشی نی تاکید له گن ایدی .

اوشبو اداره رییسی عبدالقیوم افغان هرات ده بو سیستم عملی بولگنیدن خرسند چیلیک بیلدیریب بو سیستم نی رواجلنتریش اوچون دولت و مدنی جماعه فعال لری نینگ مسوولیتی بولگنینی اورغوله دی.

"بخت گه موافق بو یونلیش تیزلشتریلگن.هرات ده شو حاضر 150 مینگ تورلی خیل نقلیه واسطه بارلیگی گه قرگنده گازسیستمی یولگه توششی اولرنینگ کونده لیک فعالیتی طفیلی هوا افلاس لیگی میزانی نی کمی تریش ده فوق العاده تاثیر قویه دی. بو مینمچه هرات یشاوچی لری ساغلیگی و اطراف میحط افلاس لیگی الدینی آلیش ده مکمل تاثیر قویب و اطراف میحط نی سقلش اداره سی ایسه بو دستور عملی بولیشی نی القیش لب اونی رواج رونقی اوچون بو کمپنی و بو ساحه ده فعالیت قیله دیگن باشقه کمپنی لربیلن همکارلیک قیلیش نی اوز مسوولیتی بیله دی."

هرات یشاوچی لری هم بو سیستم یولگه قویلگنینی اولکه ده کوزگه کورنرلی بیر یوتوق بهالب بوندای حرکت لر دولت تمانیدن حمایه ایتیلیشی نی ضرور دیدیلر: "مینمچه بو اوته فایده لی . یوزده یوز هوا افلاس لیگی الدی نی الیش ده تاثیر قویه دی و باشقه تماندن ادم لر هم مناسب هوا گه ایگه بوله دی لر . بوندای ایش لردن دولت حمایه ایتیشی لازم . برنچی دن دولت اوز نقلیه واسطه لرنی گازی قلیشی شرط دی دی هرات یشوچی لریدن بیری ."

جمعیتی کوپ بولگن شهر لرده هوا افلاس لیگی ییریک بیر معما دیر . شونگه بنا" دنیا نی اکثر مملکت لری کاته شهر لریده بو سیستم کوپ ییل لر الدین عملی بولگن. هرچند بو سیستم پایتخت کابل ، مزار شریف ، جلال اباد و باشقه بیر قطار شهر لرده هم بوندن الدین ایش گه توشیریلگن اما کورینیشیچه کینگ ترقه لمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.