BBC navigation

وزیرلرکینگاشی : کیله جک سیلاوگه نامزد ایتگن شخصلر وظیفه سیدن استعفا بیریشینی سوره دی

Сўнгги янгиланиш 12 феврал 2013 - 13:38 GMT

افغانستان وزیرلر کینگشی بیر اعلامیه نشر ایتیب، دولت ده رسمی وظیفه بجره یاتگن شخصلر، جمهور رییسلیک سیلاولریده اوزینی نامزد قیلگن حالده، لوازملریدن استعفا بیریشی نی تاکیدله گن.

اوشبو اعلامیه ده، وزیرلر کینگشی، کیله سی سیلاولر اوستیده توخته لیب، بوحقده مناسب رقابتلر اوچون زمینه یره تیلیشی تاکیدلنگن.

اعلامیه ده، اوتگن اون ییل دوامیده قولگه کیریتیلگن یوقوتلر سقله نیشی اوچون، 1393 ییلده بولیب اوتیشی مولجللنگن جمهور رییسلیک سیلاولری شفاف عملگه آشیریلیشی کیره کلیگی ایتیلگن.

بو حقده کابلدن حیات شیبان خبر قیله دی.

کیله جک ریاست جمهورلیک سیلاو 1393 ییلده بولیب ایتیشی اعلان قیلینگن شونگه قره گنده، سیلاونینگ انیق بولیب اوتیش زمانیگه اینگ بیریریم ییل قالگن لیکن شوپله دن باشلب ایریم اوزلرینی نامزد قیلیشلری ممکن لیگینی ایتماقده لر.

بوکبی موضوع لرایسه دولت نینگ یوقاری مرتبه لی رسمیلری تمانیدن اظهارایتیلماقده.

وزیرلرکینگاشی نینگ نوبتده گی یغینده عینی موضوع مباحثه ایتیلگن.افغانستان جمهورریسی حامدکرزی اوزینی نامزد ایتگن شخصلر دولت نینگ رسمی ایشلریدن استفابیریشنی سوره گن.

هرچند بیاناتده هیچ بیر شخصدن آت توتیلمه گن، لیکن افغانستان معارف وزیری فاروق وردک ایچکی وخارجی تیورک لرده اونینگ نامزدلیگی حقیده میش میش پیدا بولگنینی ایتگن. جناب وردک اوزینی نامزد قیلگن حالده هم جمهورریس کرزی مصلحتینی اورگه نیب اوزمانده دولتی لوازمیدن استعفا بیریشی ممکن لیگینی ایتگن.

بوندن آلدین هم بلخ ولایت حاکمی عطا محمد نور، شرایط مهیا ایتیلگن حالده اوزنامزدلیگینی اعلان قیلیشی ممکن لیگینی ایتگن ایدی.

ایریم اجتماعی ترماغلرده ایریم بو یغیندن اساسی مقصد استاد عطا محمد نور بولگنی ممکن لیگی حقیده فکر بیلدیرگن.

ریاست جمهورلیک سیلاوگه بوقدر زمان قالگن بیرپیتده وزیرلر کینگاشیگه خودی نامزد لر مسله سی توغریسیده بحث آلیب باریلیشی قطار سواللرنی توغدیرگن.

بیز بوحقده وزیرلر کینگاشی اداره سیگه معلومات الیش اوچون سیم قاقدیک بیراق اولر بوحقده جواب قیترمه دیلر. بوندن آدلدینگی جمهوررییس لیک سیلاولرده هم عینی شوکبی قرار لر قبول قیلنگن ایدی.

اما ایریملر دولت نینگ یوقاری لوازمیده بولگن حالده هم ایسته گن نامزدلرینی حمایه قیلگن ایدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.