BBC navigation

فارياب حاكمليگي تمانيدن ايكي شعري توپلم چاپ ایتیلدی

Сўнгги янгиланиш 12 феврал 2013 - 05:04 GMT

فارياب حاكمليگي ياردمي بيلن فارياب ليك ايكي شاعرشعري توپلمي چاپ ايتيليب شعر شيدالريگه ترقه تيلدي.

يقينده ميمنه شهريده از مدينه تا ميمنه وتوگنمس قيغو ناملي چاپ ايتيلگن ايكي اثر آسيا بانكي تمانيدن ولايت لر حاكمليگي گه بيريله ديگن مبلغ نينگ بيرقسمي بيلن چاپ ايتيلگن.

هرچند فارياب رسمي لري شاعر ويازوچي لراثرلري ني چاپ ايتيش اوچون بوساحه اوچون مخصوص بودجه اجره تيلمه گن ليگي ني ايته ديلر.

اما اولرشونده ي اثرچاپ ايتيليشي دوام ايتيشي اوچون ياردم ايتووچي مذكور تشكيلات گه بو تكليف ني ايلگري سورگن لريني ايته ديلر.

“"هرآيده ولايت حاكم ليگي گه آسيا ترقيات بانكي تمانيدن تورلي ساحه لربوجمله دن مدني تشكيلات لرگه كيره كلي اوسكونه اسباب، مكتب لرايچكريسي ني اسفالتلش وباشقه خيريه ايشلرگه ياردم بيريش اوچون 25000اقش دالري تولنه دي، بيزمدني جماعه چيليك ترماقي تكليفي اساسيده بوكتاب لرنينگ چاپ ايتيليش خرجتيني اوشه مركزگه تكليف قيلگن ايديك عين ايتگن اوشه مبلغ قبول بولمه دي آزراق قبول ايتيلدي باشقه شاعر ويازووچيلركتاب لري هم استه – سيكين ترتيب بيلن چاپ ايتيله بيره دي" دييدي فارياب ولايتي حاكمي نينگ سوزچيسي جاويد بيدار

فارياب ولايتي نينگ مدنيت وخبر لررياستي باشليغي احمد شاكر ضربي گه كوره حاكمليك كه بوله ديگن مبلغ دن فارياب مدني جماعه چيليك ترماغي اوچون بير آيده 400 دالراجره تيليب ونيچه آيليگي توپله نيب بواثرلرچاپ ايتيلگني ني معلوم قيله دي.

"هربيركيشي مقاله سي وشعريا نثري اثري راديو، گزيته و يا تلويزيون دن نشر ايتيلگن حالده اوكيشي انرژي آله دي، بيز بوني يقيندن گواهي بولماقده ميزنيگه كي بوندن آلدين حميدالله بوتون حيدري جنابلري كسل بوليب قالگن ايديلر اولر نينگ اثري چاپ ايتيليشي بيلن ساغليق احواللري هم روحي نقطه نظردن يخشي له نيب باره ياتگن ليگي سيزيلماقده وعملگه آشيريلگن بوايش روحي جهت دن هم يخشي" دييدي فارياب ولايتي نينگ مدنيت وخبر لررياستي باشليغي احمد شاكر ضربي

فارياب ضيالي لريدن استاد عبدالقدوس قيليچ شونده ي اثر لر بوندن آلدين دولت نينگ مادي ياردمي بيلن چاپ ايتيلمسليگي گه ايكي مساله سبب ليگي ني ايته دي

سونگي ييللرده اوشبو ولايتده گي شاعر ويازووچي لرايجاد ايتگن اثر لري دن بيرقطار لري اوزلري نينگ شخصي يا خصوصي تشبث لر بيلن چاپ ايتيلگن بو لسه وباشقه لري شو امكانيت ني تاپه آلمسليك لري سبب دولت ني ياردم بيرمسليك كه تنقيد لب كيلرايديلر.

شاعر ويازووچي استاد تاشقين بهايي گه كوره بوكبي شاعرلر نينگ اثرلري چاپ ايتيليشي شعروادب ساحه سي رواجله نيشي گه يول آچيشي ني ايته دي شونينگ ديك او اوتميش لرده بو ولايت نينگ بيرقطار شاعر لري اوز اثرلريني چاپ ايتيشگه قرب لري ييتمسليكدن حياتدن اوتيب بيرقنچه اثرلري يوقه ليب كيتگن ليگي ني تيل گه آله دي .

ولايت رسمي لري اعتباري بيلن چاپ ايتيلگن بوتون حيدري نينگ توكنمس قيغو ناملي شعري توپلمي اوز ايچيگه آلگن موضوع لر: خلق قيين چيليگي ، اوتگن دورلرده بو مملكت ده يشب كيله ياتگن اوزبيك لرباشقه اولوس لرگه نسبتا كم سيتيليشي وتضيق لر، بو خلق باي ميراث گه ايگه بولگن ليگي وبيرقطاردولت عملدارلري نينگ ناقانوني قيله ديگن ايشلري شعرقالبي گه كيرديريليب بيان ايتيلگن

بوتون حيدري ايسه اثري چاپ ايتيليشي دن اوز منت دارليگي ني بيلديردي

ينگيدن چاپ ايتيلگن اثربوتون حيدري نينگ ايلك توپلمي حسابلنه دي شونينگ ديك چاپ ايتيلگن اثرلردن ينه بيري هم الحاج محمد كاظم اميني نينگ از ميمنه تا مدينه ديب ناملنگن شعري اثري بوليب شاعراوزيورتيده وغربتده يشه گن پيتي غربت ده گي تارتگن معما لري، خلق دردي واوزمملكتيده گي قيين چيليك لر باره سيده ايتگن شعرنمونه لريدن عبارت بولگن.

هرچند دولت گه تيگيشلي ولايت لرده گي مدنيت وخبرلررياستي بوكبي ايشلرني قيليش گه مسوول اما بو اداره مسووللري بوكبي ايشلرني عملگه آشيرراوچون مدنيت وخبر لروزيرليگي تمانيدن مخصوص مبلغ اجره تيلمي و اختيارلريگه بيريلمه گني ني ايتماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.