BBC navigation

اوباما، 34 مینگ عسکرنینگ افغانستان نی ترک ایتیشی نی اعلان قیله دی

Сўнгги янгиланиш 13 феврал 2013 - 10:15 GMT

امریکا جمهور رییسی باراک اوباما، بو کیچه اوزی نینگ امریکا وضعیتی باره سیده گی ییللیک چیقیشیده، 34 مینگ امریکالیک حربی 2014 ییل نینگ اداغیگچه افغانستان نی ترک ایتیشی ممکنلیگی نی اعلان قیلیشی کوتیله یاتگنی نی معلوم قیلگنلر.

اوشبو کوچلرنینگ افغانستان دن چیقیشی بیلن، امریکا لیک کوچلرنینگ سانی افغانستانده یریم تعداد گه ییتیشی ممکن.

حاضرگی کونده امریکانینگ افغانستانده گی کوچلری سانی 66 مینگ گه ییته دی.

امریکا، افغانستانده آلیب باره یاتگن حربی عملیاتلرنی میلادی 2014 ییل نینگ اداغیگچه دوام ایتدیریشی ممکن، اما هنوزگچه 2014 ییلدن سونگ، افغانستانده قنچه امریکالیک حربی قالیشی ممکنلیگی حقیده انیق معلومات بیریلمه گن.

اوباما جنابلری اوزی نینگ نطق سوزلریده، میلادی 2014 ییلدن سونگ، امریکالیک کوچلرنینگ سانی باره سیده بیرار نرسه دیمه گن.

امریکا جمهور رییسی و حامدکرزی، اوتگن آی حربی عملیاتلرمسوولیتی افغان کوچلریگه تاپشیریش جریانی تیزلشتیریلیشی حقیده کیلیشیب آلگنلر.

بوندن آلدین امریکا بیرقطار رسمیلری میلادی 2014 ییلدن سونگ افغانستانده 9 مینگگه یقین امریکالیک حربی قالیشی احتمالی حقیده سوز یوریتگن ایدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.