BBC navigation

اوزبيك تيليده خبري سايت لرآزليگي خبرنگارلراوچون قینچلیک یره تگن

Сўнгги янгиланиш 14 феврал 2013 - 06:21 GMT

مملكت ومنطقه ده يوزبيريب كيله ياتگن واقعه لرني ييتكزيش اوچون انترنيتده بولگن خبري سايت لرگه مراجعه قيله میز

افغانستانده اوزبيك تيلي اوچون مخصوص خبري سايت لربولمسليگي سبب بو تيلده نشرات بيره ديگن راديو لرايسه قيين چيليك بيلن دوچ كيلماقده لر.

سونگي ييللرده افغانستان ده بيرقطارراديو تلويزيون وگزيته لرفعاليت گه باشلب واوزبيك تيليده هم دستورلرترقه تيب كيلماقده لر.بو رسانه لراوزبيك تيليده ينگي ليك لرني هم ترقته باشله گن لراما انترنيت ده بو تيلده ييترليچه كيره كلي معلومات لربولمسليگي خبرنگارلرنينگ باشقه تيللردن آليب ترجمه قيليش گه مجبورلنتيرگن.

ميمنه راديو سي مخبرلريدن نثار احمد تويغو محل، مملكت ومنطقه ده يوزبيريب كيله ياتگن واقعه لرني ييتكزيش اوچون انترنيتده بولگن خبري سايت لرگه مراجعه قيله ديلر،اما ژورناليست لرگه كوره خبري واقعه لرني آليش اوچون فقط گينه بي بي سي اوزبيك خذمتي دن فايده لنه ديلروخلاص.

اوزبيك تيلي اوچون خبري موضوع لربولمسليگي سبب بو تيلده كونده ليك لرهم ايجاد ايتيلمه گن.

انه شو معما سبب فعاليت قيليب كيله ياتگن جريده لرهم فقط آيليك دن تشقري ايمس ميمنه شهريده فعاليت قيليب كيله ياتگن ايشانچ جريده سي نينگ مسووللري گه كوره اولرگزيته لريني كونده ليك قيليش گه اشتياقمندلراما اوزبيك تيلي اوچون آلينه ديگن خبري سايت لرآزبولگن ليگي اوچون بو مقصدلريگه ايريشه آلمه گن لر.

ايريم راديومسووللري گه اوزبيك تيلي اوچون مخصوص سايت لر بولمسليگي سبب راديو لراوز وقتيده ينگي ليك لرني نشرايته آلمه يديلر.

ژورناليست استاد تاشقين بهايي اوزبيك تيلي اوچون خبري سايت لركوپ سانده بولمسليگي گه انترنيت امكانيت لر چيكلنگن ليگي، وبو ايش آدم لرحياتي اوچون منفعت آليب كيله آلمسليگي واوزبيك تيليده ملكه لي ژورناليست آزبولگني ديب ايت سبب بولگني ايته دي.

شونينگ ديك او بيرينچي دن انترنيت خذمتي بوتون اهالي گه يره تيليشي بيلن بو معما حل ايتيليشي ممكن ليگي ني تيل گه آله دي.

ميمنه ليك فعال ياشلردن محمد كاظم يلغوزگه كوره اوزبيك تيليده موضوع لر بوليشي بيرراديو وتلويزيون اوچون ضرورايمس بلكه هر بير ساحه اوچون كيره ك.

هرچند انترنيت ده اوزبيك تيلي اوچون قوييلگن موضوع لر اوزبيكستان سايت لريده كوپ دير، اما مذكورمملكت گه تيگيشلي سايت لردن خبري واقعه لردن فايده له نيش ناممكن عين حالده باشقه موضوع لرهم لاتين تيليده يازيلگن ليگي اوچون افغانستان اوزبيك لري نينگ همه لري بيرديك بوندن فايده له نيش گه قادر ايمس لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.