BBC navigation

مزارشریفده‌ خذمت کورسته یاتگن اوزبیک و تورکمن تیللریده گی رادیولر

Сўнгги янгиланиш 14 феврал 2013 - 09:06 GMT

اون سککیزینچی عصر آخرلریده اسکاتلند اهالیسیدن بولگن جیمز کلارک ماکس‌دل الکترو مقناطیس تولقینلرینینگ خلاصه سینی تکنالوژی عالمیگه آچیقلب بیردی. شو ترتیب اون توقیزینچی عصرنینگ باشلریگه کیلیب ایسه، رادیو اختراع بولدی.

استه- سیکین رادیو دستورلری دنیانینگ هربیر بورچکیده اوز مخاطبلرینی تاپدی. شو کبی افغانستان گه کیریب کیلدی. مملکت نینگ آلیس- یقین منطقه لریده یوزلب رادیو فعالیت آلیب باردی.

عینن مزارشریفده گی رادیو استیشنلری جمله دن؛ آرزو، کلید، نهاد، رابعه بلخی، آریانا بلخ، نوین کبی نیچه بیر رادیولر ایسه اوزبیک و تورکمن تیللریده دستورلر تقدیم ایتیب کیلماقده.

مزارشریف شهریده رادیو یانیده قنچه‌دن قنچه تلویزیونلرنینگ هم اۉزبیک و تورکمن تیللریده فرقلی دستورلری بار. یقینده اوز فعالیتلریگه باشله گن الماس تلویزونی داخل؛ آریانا، لحظه رادیوسی، آرزو، مهر و بلخ ملی رادیو تلویزونلرینینگ شو ایکّی تیلده خبری و تورلی محتوالرنی قمره ب آلگن دستورلری هم بار. اولرده کوپینچه یاش ژورنالیستلر فعالیت آلیب باره دیلر.

فاریابلیک خدایبیردی نظري آریانا بلخ رادیوسیده ژورنالیست اوله راق فعالیت آلیب بارماقده. اونینگچه هرقنده‌ي میدیاده ایشله یدیگن یاش آماتور ژورنالیستلرگه کیره کلی تعلیمات بیریلیشی لازم.

افغانستانده رادیونی کوپراق اطراف حدودلرده‌گی عادي فقرا تینگله‌یدی. بو میمنه‌ یشاوچیسی خالده نینگ فکری ایدی. کاسبلر ایشلب توریب، رادیو ایشیته دیلر. بو ایسه هاردیق چیقریش اوچون احتمال یگانه یول دیر.

سونگی بیر ییل دوامیده مزارشریف شهریده اوز فعالیتیگه باشله گن مهر رادیو تلویزیونی نینگ اوزبیک تیلیده گی قوشیق برنامه لرینینگ بیریده ایشلب کیله یاتگن فریدون انیق، تماشابینلری اوچون آنه تیلنی اورگتیش یولیده فایده لی بوله یاتگنیدن فخرلنه دی.

ایککینچی جهانی اوروش و حتا اوندن اون ییل کیین هم رادیو رواجلنیش جریانیده بولگن و هرقنده ی دستورلرینینگ عشقبازلری نیچه میلیوندن کوپراق ایکنلیگی معلوم. افغانستانده هم هربیر رادیونینگ خیلمه- خیل برنامه‌لری بار. اولر آره‌سیده موسیقه دستورلری کونیده بات- بات ایفیرلرگه اوزه تیله دی. معلومکه رادیو دستورلری کون نینگ دال ضرب واقعه‌لرینی یاریته‌دی. افغانستان و بوتون مرکزي آسیاده ایسه رادیو مخاطبلری کوپ ایکنلیگی ایتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.