BBC navigation

امیر علیشیر نوایی تولدی نینگ ۵۷۲ ییللیگی، کانادا مملکتی ده نشانلندی

Сўнгги янгиланиш 16 феврал 2013 - 07:36 GMT

کانادا ده یشه یاتگن بیر قنچه افغانستانلیک لر امیر علیشیر نوایی تولدی ۵۷۲ ییللیگی نینگ نشانله گن لر.

مذکور محفل نی یولگه قویگن افغانستانلیک اوزبیک یازوچی و ژورنالیستی، داکتر فیض الله ایماق گه کوره، ییغیلیشگه « بنیاد دوستداران فرهنگ » اعضالریدن تشقری، تورنتو شهریده استقامت قیله یاتگن اونله ب، فرهنگ سیور لر قتنشگن ایدیلر.

مذکور محفل نی اوزبیک ژورنالیستی بی بی حاجی انابت ایماق باشقرگن.

خانم انابت ایماق یغیلیش اشتراک چیلریگه نوایی توغری سیده بونده ی دیگن:

"سیز- بوگون، توناونگی خراسان، بوگونگی افغانستان نینگ اولوغ شاعری، متفکری و دولت اربابی امیر الکلام میر علیشیر نوایی تولدی نینگ ۵۷۲ ییللیگی مناسبتی بیلن بو کنفرانسگه قتنشگن سیز. دستله ب شونی ایتماقچیمنکی : بیزنینگ معنوی آته – بابامیز، افغانستان خلقی نینگ افتخاری بؤلمیش میر علیشیر نوایی تولدی طنطنه سیگه خوش قیلیب سیز. قدملرینگیزگه حسنات."

کاناداده مدنی فعالیت قیله یاتگن ینه بیر افغانستانلیک سید مقصود برهان مذکور محفل ده، میر علیشیر نوایی نینگ حیاتی، کؤپ قیرره لی ایجادیاتی، عموم خلق منفعتی نی کؤزده توتگنی نی اورغوله گن.

کنفرانس ده، قوییده گی یازوچی و شاعر لر اؤز مقاله لری و شعرلرینی اؤقیشدی:

۱- حفیظ انصاری: روضه ٔ مبارکه قوریلیشی ده میر علیشیر نوایی نینگ ایجابی رؤلی.

۲- شفیقه محسنی : مزار شریف حقیده گی شعر دیکلمه سی.

۳- همایون باختریانی: گوهر شاد بیگم، تیموریلر دوری، همده علیشیر نوایی حیاتی و ایجادی.

۴- کامله: نوایی حقیده گی شعرینی دیکلمه سی.

۵ – نریوال: علیشیر نوایی حقیده گی یازگن پشتوچه شعرینی دیکلمه سی.

۶ – استاد فرید عظیمی: نوایی حیاتی و ایجادی.

۷ – انابت ایماق: کیلمه دی) عنوانلی میر علیشیرنوایی نینگ اؤزبیکچه شعری دیکلمه سی.

۸ – محمد هاشم احمدی : نوایی نینگ استر آباد ده عمل گه آشیرگن انسان پرورلیک فعالیتلری .

۹- محقق محمد اکبر امینی سابق افغانستان اکادیمیه سی نینگ علمی اعضاسی : تیموریلر دوری و رنسانس حقیده گی مقاله .

۱۰ – استاد عبدالقیوم پروانی: ( بیا که بریم به مزار) سرودی نینگ تاریخی حکایه سی

۱۱- پروین قاریزاده : امیر علیشیر نوایی و اونینگ رولی رنسانس دوریده .

۱۲- انیس زیرک : کنفرانس تشکیلاتچیلرینی ارداقله ش حقیده گی ترکچه تبریک سؤزی

۱۳ – کامران موحدی : ایران لیک فردوسی شناس عالم : کنفرانس ده یره تیلگن عالیجناب روحیه ، افغانستان لیک تورلی ملتلر ارا موجود بؤلگن اهیللیک ، بیردملیک حقیده گی بیاناتی .

۱۴ – داکتر فیض الله ایماق : سؤزگه چیققن یازوچیلر و شاعرلر دن تشکر بیلدیریب، نوایی نینگ نامی واثری افغانستان خلق آغزه کی ادبیاتیده نه قدر عکس ایتگه نی نی تورلی خلق ایجادی نمونه لری مثالیده اثباتله ب بیر دی .

میر علیشیر نوایی حضرتلری ۵۷۲ تولدی مناسبتی بیلن تشکیل ایتیلگن کنفرانس، کانادا نینگ تورنتو شهریده استقامت قیله یاتگن ییتوک صنعتکار – خواننده محترم جمیل گلستانی کنسرتی بیلن ساعت ۰۰: ۷ اطرافیده اؤز نهایه سیگه ییتدی .

خواننده نی فیض الله و انابت ایماقلر تارتیقلر بیلن ارداقلشدی .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.